अमेरिकेचे राष्ट्राध्यक्ष बायडन अडचणीत, व्यसनी मुलाचे अश्लील फोटो झाले व्हायरल

US President Joe Biden: जगातील सर्वात शक्तिशाली समजले जाणारे अमेरिकेचे राष्ट्राध्यक्ष जो बायडन हे त्यांच्या मुलामुळे अडचणीत आले आहेत. जो बायडन यांचा मुलगा हंटर बायडन याच्या लॅपटॉपमधून सुमारे ९ हजार फोटो मिळवून मार्को पोलो या उजव्या संघटनेने ते व्हायरल केले आहेत.

जगातील सर्वात शक्तिशाली समजले जाणारे अमेरिकेचे राष्ट्राध्यक्ष जो बायडन हे त्यांच्या मुलामुळे अडचणीत आले आहेत. जो बायडन यांचा मुलगा हंटर बायडन याच्या लॅपटॉपमधून सुमारे ९ हजार फोटो मिळवून मार्को पोलो या उजव्या संघटनेने ते व्हायरल केले आहेत. या फोटोंमध्ये हंटर बायडन ड्रग्स घेताना, वेश्यांसोबत नग्न होऊन मस्ती करताना आणि कुटुंबीयांसोबतचे फोटो आहेत. या संघटनेने बायडन लॅपटॉप मीडियाय.कॉमवर ८८६४ फोटो शेअर केले आहेत. हे फोटो हंटर बायडन याच्या लॅपटॉपमधून मिळवण्यात आले आहेत. त्यामध्ये अश्लील फोटोंबरोबरच हंटरचे त्याच्या वडिलांसोबत आणि कुटुंबातील इतर सदस्यांसोबतचे फोटो आहेत.

ब्रिटनमधील डेली  मेल या वृत्तपत्राने दिलेल्या वृत्तानुसार हे सर्व फोटो २००८ ते २०१९ या दरम्यानचे आहेत. ते हवाई, काबो सान लुकास, कोसोवो, चीन, लंडन, पॅरिस, रोम आणि जगभरातील इतर ठिकाणी काढण्यात आलेले आहेत. यातील ७ हजार ३२ फोटो हे हंटर बायडन यांच्या मॅकबूक फ्रो आयफोन अॅपमधून घेण्यात आले आहेत. त्याशिवाय त्यामध्ये हंटर बायडन यांच्या आयफोन एक्सएसच्या बॅकअपमधून १८३२ फोटो, ४२८ लाईव्ह फोटो, टेक्स मेसेजमध्ये पाठवलेले ६७४ फोटो ५७९ स्क्रीनशॉट, ४० व्हॉट्सअॅपच्या माध्यमातून पाठवलेले फोटो आणि १११ इतर फोटोंचा समावेश आहे. 

हंटर बायडेन यांचे हे फोटो व्हायरल झाल्याने जो बायडन यांना मोठा धक्का बसू शकतो. मार्को पोलोची स्थापना अमेरिकेचे माजी राष्ट्राध्यक्ष डोनाल्ट ट्रम्प यांच्या कार्यकाळादरम्यान, व्हाईट हाऊसमधील एक कर्मचारी असलेल्या गॅरेट गिग्लर यांनी केली होती. मार्को पोलो स्वत:ची ओळख भ्रष्टाचार आणि ब्लॅकमेलला उघड करणारी एक संस्था अशी करून देते.

हे फोटो पब्लिश केल्यानंतर जिग्लर यांनी सांगितले की, जर अमेरिकन लोकांना त्यांची फर्स्ट फॅमिली कशी आहे हे जाणून घ्यायचं असेल तर ते या माध्यमातून जाणून घेता येईल. आम्ही असे फोटो समोर आणत नाही आहोत ज्यामुळे बायडेन कुटुंबाची प्रतिष्ठा वाढेल. दरम्यान, जिग्लर यांनी सांगितले की, सर्व फोटोमध्ये प्रायव्हेट पार्ट ब्लर करण्यास सुमारे दोन महिन्यांचा अवधी लागला.