VIDEO: ‘याला तुरुंगात पाठवा...’ निर्णय ऐकताच आरोपी संतापला; महिला न्यायाधीशाला बेदम मारले

आरोपीने महिला न्यायाधीशाला मारहाण केल्याचा व्हिडिओ सोशल मीडियावर व्हायरल होतोय.

America Court: अमेरिकेतील नेवाडातून एक धक्कादायक घटना समोर आली आहे. येथील एका कोर्टात अशी घटना घडली, ज्याने उपस्थित लोक थक्क झाले. महिला न्यायाधीशाने एका आरोपीला तुरुंगात पाठवण्याचे आदेश दिले. यावरुन आरोपी इतका संतापला की, त्याने सर्वांसमोर न्यायाधीशांवर हल्ला चढवला. न्यायाधीशांना वाचवताना एक सुरक्षा कर्मचारीही जखमी झाला. या घटनेचा व्हिडिओ सध्या इंटरनेटवर व्हायरल झाला आहे.

मीडिया रिपोर्ट्सनुसार, 30 वर्षीय देओब्रा रेडनवर तीन वेळा बॅटरी चोरीचा आरोप होता. तो गेल्या बुधवारी क्लार्क काउंटी जिल्हा न्यायालयात न्यायाधीश मेरी के होल्थस यांच्यासमोर हजर झाला. वकिलांच्या युक्तिवादानंतर न्यायाधिशांनी आरोपीला दोषी ठरवून तुरुंगात पाठवण्याचे आदेश दिले. यावरुन आरोपी इतका संतापला की, त्याने टेबलावरुन उडी मारली आणि थेट न्यायाधीशांकडे जाऊन मारहाण केली. 

District Court Judge Mary Kay Holthus was violently attacked by a criminal defendant who leaped over the bench. pic.twitter.com/ZgkrTpvEQY

— Our Nevada Judges, Inc. (@OurNevadaJudges) January 3, 2024

हा सर्व प्रकार कोर्टरुममध्ये इतक्या वेगाने घडला की, तिथे उपस्थित असलेल्या सुरक्षा कर्मचाऱ्यांना न्यायाधीशांना वाचवण्याची संधी मिळाली नाही. मात्र, त्यांनी कसेबसे आरोपीला पकडले. ही संपूर्ण घटना कोर्टरुममध्ये बसवण्यात आलेल्या कॅमेऱ्यात कैद झाली असून, याचे फुटेज आता इंटरनेटवर व्हायरल होत आहे. या हल्ल्यात न्यायाधीश मेरी यांना गंभीर दुखापत झाली आहे. तर, त्यांना वाचवणाऱ्या मार्शलचा खांदा तुटलाय.