Video: गळा दाबून पाण्यात बुडवण्याचा प्रयत्न; कृष्णवर्णीय मुलांवर गोऱ्यांचा जीवघेणा हल्ला
By ऑनलाइन लोकमत | Published: December 29, 2022 02:53 PM2022-12-29T14:53:52+5:302022-12-29T15:08:37+5:30
Fight In Swimming Pool: स्विमिंग पूल फक्त गोऱ्या लोकांसाठी आहे, असे म्हणत कृष्णवर्णीयांवर हा हल्ला करण्यात आला.
Video: गळा दाबून पाण्यात बुडवण्याचा प्रयत्न; कृष्णवर्णीय मुलांवर गोऱ्यांचा जीवघेणा हल्ला
Next Assault Video: सोशल मीडियावर मारहाणीचा एक व्हिडिओ मोठ्या प्रमाणात व्हायरल होत आहे. यामध्ये काही लोक स्विमिंग पूलमध्ये आंघोळ करताना दिसत आहेत. यावेळी अचानक दोन गटात तुंबळ हाणामारी होते. या भांडणामागचे कारण समजल्यावर नेटिझन्स चकित झाले आहेत. हा व्हिडिओ दक्षिण आफ्रिकेतील मासेलस्पोर्ट रिसॉर्टचा आहे. दोन गटांमध्ये हाणामारीची ही घटना 25 डिसेंबर म्हणजेच ख्रिसमसच्या दिवशी घडली.
स्थानिक मीडियानुसार, 18 आणि 13 वयोगटातील कृष्णवर्णीय मुलांवर गोर्‍या पुरुषांच्या गटाने हल्ला केला. याचे कारण म्हणजे, फक्त गोरे पुरुषच रिसॉर्टच्या स्विमिंग पूलचा आनंद घेऊ शकतात. या गोर्‍या लोकांनी दोन मुलांना स्विमिंग पूलकडे जाताना पाहिले आणि त्यांना रोखण्याचा प्रयत्न केला. यानंतर त्यांच्यात हाणामारी सुरू झाली.
Family came to spend the day @ MASELSPOORT RESORT & CONFERENCE CENTRE in Free State. My brothers were attacked by these grown men because they are apparently not allowed in the pool as it's reserved for the "white people" here.
— TWIN FL🔥ME (@Tumii_Frost) December 25, 2022
The Oranje-Vrystraat we love 🫶🏾
Merry Christmas pic.twitter.com/ac4UPZ05ey
व्हायरल होत असलेल्या व्हिडिओमध्ये गोर्‍या लोकांच्या टोळक्याने एका कृष्णवर्णीय मुलाला बेदम मारहाण केल्याचे दिसत आहे. या हल्ल्याच्या व्हिडिओमध्ये, एक गोरा माणूस एका 13 वर्षांच्या मुलाला थप्पड मारताना आणि त्याला तलावात फेकताना दिसत आहे. यानंतर, गोर्‍या व्यक्तीने मुलाच्या 18 वर्षीय भावाचा गळा दाबण्याचा आणि त्याला पाण्यात बुडवण्याचा प्रयत्न केला.
या घटनेनंतर मुलाच्या बहिणीने या घटनेचा व्हिडिओ ट्विट केला. 'आम्ही फ्री स्टेटमधील मेसेल्सपोर्ट रिसॉर्ट आणि कॉन्फरन्स सेंटरमध्ये सुट्टी घालवण्यासाठी आलो होतो. यावेळी माझ्या भावांवर दोन मोठ्या माणसांनी हल्ला केला. कारण त्यांना पूलमध्ये परवानगी नाही. येथे फक्त 'गोरे लोक'च आंघोळ करू शकतात.' हा व्हिडिओ सोशल मीडियाच्या वेगवेगळ्या प्लॅटफॉर्मवर मोठ्या प्रमाणात व्हायरल होत आहे.