Video: मित्र असावा असा; सोन्याची खाण कोसळली, हाताने माती हटवून वाचवले 9 मित्रांचे प्राण
By ऑनलाइन लोकमत | Published: March 28, 2023 05:17 PM2023-03-28T17:17:44+5:302023-03-28T17:18:19+5:30
या घटनेचा व्हिडिओ सध्या सोशल मीडियावर चांगलाच व्हायरल होत आहे.
Video: मित्र असावा असा; सोन्याची खाण कोसळली, हाताने माती हटवून वाचवले 9 मित्रांचे प्राण
Next
मध्य आफ्रिकन देश रिपब्लिक ऑफ कांगो येथून मैत्रीच्या अतुट नात्याचा एक व्हिडिओ समोर आला आहे. हा व्हिडिओ पाहून तुम्हीही चकीत व्हाल. येथे एक सोन्याची खाण कोसळल्याने अनेक कामगार त्यात अडकले होते. सुदैवाने सर्वजण बचावले. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.
ही घटना काँगोच्या दक्षिण किवू प्रांतात असलेल्या एका खाणीत घडली. येथे काही मजूर सोन्याच्या खाणीत काम करत होते. अचानक ती खाण कोसळू लागली. खाण इतक्या वेगाने कोसळली की, कामगारांना बाहेर पडता आले नाही. मुसळधार पावसानंतर हे भूस्खलन आले होते. यावेळी एका व्यक्तीने आपल्या साथीदारांना वाचवण्यासाठी हाताने माती हटवण्यास सुरुवात केली.
Yesterday in DR Congo at around 2pm: artisanal copper miners saving each in Luwowo, in the Muvumboko neighbourhood pic.twitter.com/oCY2qplWKH
— Nicolas Niarchos (@PerneInAGyre) March 25, 2023
वरुन सतत माती पडत होती आणि हा व्यक्ती हाताने ती माती हटवत होता. यावेळी मातीतून एक एक करत त्याचे साथीदार बाहेर पडत होते. यावेळी खाणीतून एकामागून एक 9 जण बाहेर आले. सुदैवाने त्यातील कोणालाच इजा झाली नाही. दरम्यान, खाणींमध्ये अशा घटना सर्रास घडतात, मात्र यामध्ये मजुरांना जीव गमवावा लागतो. या घटनेत चांगली गोष्ट म्हणजे कोणतीही जीवितहानी झाली नाही.