शेख हसीना देशात परत जाणार? बांगलादेशात व्हायरल 'कॉल'ची चर्चा; नेमकं प्रकरण काय?

काही दिवसापूर्वी बांगलादेशात सत्तांत्तर झाले, शेख हसीना यांनी पंतप्रधानपदाचा राजीनामा देत देशही सोडला आहे.

बांगलादेशात काही दिवसापूर्वी सत्तांत्तर झाले, नोकरीतील आरक्षणाविरोधात देशात मोठे आंदोलन सुरू होते. या आंदोलनामुळे शेख हसीना यांनी पंतप्रधानपदाचा राजीनामा दिला. त्यांनी देशही सोडला आहे. दरम्यान, आता शेख हसीना यांच्या एका कॉल व्हायरल झाला आहे. यामुळे आता त्या पुन्हा एकदा देशात जाणार असल्याच्या चर्चा सुरू झाल्या आहेत. 

बांगलादेशच्या माजी पंतप्रधान शेख हसीना सत्तापालटानंतर देश सोडून भारतात आल्या सध्या त्या भारतातच आहेत. त्यांच्या प्रत्यार्पणाबाबत बांगलादेशच्या अंतरिम सरकारचे प्रमुख मोहम्मद युनूस आणि त्यांचे परराष्ट्र व्यवहार सल्लागार वादग्रस्त विधाने करत आहेत. हसीना यांच्यावर फौजदारी कलमांतर्गत गुन्हे दाखल आहेत.

“राहुल गांधींचे काम देश जोडणारे, भाजपाला लोकसभेत जनतेने उत्तर दिले, आता...”: रमेश चेन्नीथला

ढाका ट्रिब्यूनमधील एका अहवालात म्हटले आहे की, माजी पंतप्रधान शेख हसीना यांचा त्यांच्या अवामी लीग नेत्यासोबतचा १० मिनिटांचा फोन कॉल रेकॉर्डिंग लीक झाला आहे. त्यामुळे बांगलादेशमध्ये हसीना यांच्याबाबत नव्याने चर्चा रंगू लागल्या आहेत. मात्र शेख हसीना यांच्या या कथित कॉल रेकॉर्डिंगची अद्याप पडताळणी झालेली नाही. व्हायरल होत असलेल्या या कथित कॉल रेकॉर्डिंगमध्ये अवामी लीगच्या नेत्यांना त्या बाहेर असताना आलेल्या आव्हानांची आणि परदेशातील पक्षाच्या निष्ठावंतांशी असलेल्या संबंधांची माहिती देण्यात आली होती. 

शेख हसीना आणि तनवीर नावाच्या व्यक्तीमध्ये हे संभाषण झाले आहे, ते ढाकामधील कमरंगीरचरचा रहिवासी आहे. या संभाषणात तन्वीरने शेख हसीना यांना अवामी लीगच्या नेत्यांना भेडसावणाऱ्या समस्यांची माहिती दिली, या क्लिपमधून हे दिसत आहे. 

यात शेख हसीना सांगत आहेत की, माझ्यावरही ११३ खटले आहेत. तनवीर बांगलादेशला परतल्यास कायदेशीर अडचणींना सामोरे जावे लागू शकते, असा इशाराही शेख हसीना यांनी दिला. तन्वीरने अवामी लीगचे आणखी एक नेते इमदाद यांच्या नेतृत्वाखालील यूएसमधील रॅलींचा संदर्भ दिला. 

संभाषणादरम्यान तन्वीरने पक्षाच्या खराब स्थितीबद्दल चिंता व्यक्त केली आणि सुचवले की तो बांगलादेशला स्थानिक नेतृत्वाला संघटित करण्यात मदत करू शकेल. मात्र, शेख हसीना यांनी त्यांना तसे करण्यास मनाई केली आणि देशापासून दूर राहून पाठिंबा गोळा करण्यास सांगितले.

विशेष म्हणजे शेख हसीना यांना गाझियाबादहून दिल्लीला एका खास विमानात आणण्यात आल्याची अफवा फोनमध्ये पसरली होती. मात्र, त्यांनी याबाबत पुरावे दिले आणि गरज पडल्यास त्या बांगलादेशला परत येऊ शकतात, असेही सांगितले. मी देशाच्या खूप जवळ आहे, असंही शेख हसीना या संवादात म्हणाल्या. मी फार दूर नाही; मी इतक्या जवळ आहे की मी पटकन परत येऊ शकते, असंही शेख हसीना यांनी या संवादात म्हटले आहे.