लंडनमध्ये सुरु होणार जगातील पहिलं न्यूड रेस्टॉरंट
By admin | Published: April 22, 2016 10:52 AM2016-04-22T10:52:01+5:302016-04-22T10:53:43+5:30
लंडनमध्ये न्यूड रेस्टॉरंट सुरु होणार आहे, ज्यासाठी 11 हजार लोकांनी नोंदणीदेखील केली आहे, जूनमध्ये हे रेस्टॉरंट लोकांसाठी खुलं करण्यात येणार आहे
लंडनमध्ये सुरु होणार जगातील पहिलं न्यूड रेस्टॉरंट
Next
लंडन, दि. २२ - एखाद्या रेस्टॉरंटमध्ये जायचं असेल तर सगळ्यात पहिला प्रश्न पडतो कोणते कपडे घालायचे ?. पण लंडनमध्ये एक असं रेस्टरंट सुरु होणार आहे जिथे जाताना तुम्हाला कपड्यांची चिंता करण्याची गरज नाही. ऐकून आश्चर्य वाटेल पण लंडनमध्ये न्यूड रेस्टॉरंट सुरु होणार आहे. ज्यासाठी 11 हजार लोकांनी नोंदणीदेखील केली आहे. लंडनमध्ये सुरु होणा-या या रेस्टॉरंटचं नाव 'बुनियादी' ठेवण्यात आलं आहे. जूनमध्ये हे रेस्टॉरंट लोकांसाठी खुलं करण्यात येणार आहे.
हे रेस्टॉरंट दोन भागात विभागले असणार आहे. ज्यांना कपडे घालून रेस्टॉरंटमध्ये जेवायचं आहे त्यांच्या बसण्यासाठी वेगळी व्यवस्था करण्यात आली आहे. तर नग्न असणा-यांना वेगळी जागा असणार आहे. रेस्टॉरंटमध्ये 42 लोकांच्या जेवणाची व्यवस्था करण्यात आली आहे. तसंच हस्तनिर्मित भांड्यांवर जेवण वाढण्यात येणार आहे. रेस्टॉरंटमध्ये शाकाहारी आणि मांसाहारी दोन्ही प्रकारचे जेवण मिळणार आहे.
'लोकांना कोणतीही भेसळ नसलेली मस्ती करायला मिळायला हवी. कोणतीही कृत्रिम गोष्ट नसलेला अनुभव मिळावा. ज्यामध्ये कोणताही रंग, केमिकल, वीज, गॅस, फोन यांच्यासोबतच इच्छा असेल तर कपडेही नसावेत. त्यांना ख-या स्वातंत्र्याचा अनुभव मिळावा ही यामागची संकल्पना असल्याचं', रेस्टॉरंटचे मालक सेब लिआल यांनी सांगितलं आहे.
'ग्राहकांसमोर येणारी प्रत्येक गोष्ट नग्न असावी अशी जागा बनवण्यासाठी आम्हाला खूप मेहनत घ्यावी लागली आहे. रेस्टॉरंटमध्ये कोणत्याही प्रकारचा देखावा करण्यात आलेला नाही. बांबू आणि मेणबत्तीचा फक्त वापर करण्यात आला आहे. आमच्यासाठी हे खूपच आव्हानात्मक होतं, आम्ही खूप उत्साहित आहोत', असंही सेब लिआल यांनी म्हटलं आहे.
.jpg)
रेस्टॉरंटमध्ये येणा-या प्रत्येक व्यक्तीला तिकीट दिलं जाणार आहे. प्रथम येईल त्याला प्राधान्य देण्यात येईल. यासाठी रेस्टॉरंटच्या वेबसाईटवरर जाऊन रजिस्टर करावं लागणार आहे. रेस्टॉरंटमध्ये येणा-या ग्राहकांना चेंजिंग रुम आणि लॉकर्सची सुविधा देण्यात येणार आहे. ग्राहकांना आपल्या टेबलावर पोहाचेपर्यंत घालण्यासाठी कपडे देण्यात येणार आहेत. या रेस्टॉरंटमध्ये फोटो काढायला परवानगी नसणार आहे.
