अवैधरीत्या देशी दारूची विक्री करणारा अटकेत

ट्रकची कारला धडक; एकाविरुद्ध गुन्हा दाखल

जालना : भरधाव वेगाने ट्रक चालवून कारला पाठीमागून धडक दिल्याची घटना सोमवारी जालना शहरातील एमआयडीसी परिसरात घडली. यात कारचे मोठे नुकसान झाले आहे. याप्रकरणी गजानन कांबळे यांच्या फिर्यादीवरून ट्रकचालकाविरुद्ध चंदनझिरा पोलीस ठाण्यात गुन्हा दाखल करण्यात आला. पुढील तपास पोहेकॉ. वेताळ हे करीत आहेत.

बेकायदेशीररीत्या दारूची विक्री करणारे अटकेत

पारध : बेकायदेशीररीत्या देशी व विदेशी दारूची विक्री करणाऱ्या दोघांना पारध पोलिसांनी सोमवारी अटक केली. सचिन भास्कर दांडगे (३४), संजय राजधर दांडगे (४१ दोघे रा. पिंपळगाव रेणुकाई ता. भोकरदन) अशी संशयित आरोपींची नावे आहेत. त्यांच्याकडून ३४ हजार ४०० रुपयांचा मुद्देमाल जप्त करण्यात आला. पुढील तपास सरडे हे करीत आहेत.

दहा जणांची एकास मारहाण

जालना : घरासमोरील रस्ता तयार न केल्याने दहा जणांनी एका कंपनीच्या मॅनेजरला मारहाण केल्याची घटना मंठा तालुक्यातील नायगाव येथे सोमवारी घडली. याप्रकरणी सांबशिवराव राजनायडू चिल्ला यांच्या फिर्यादीवरून संशयित अर्जुन देवीदास राठोड, विठ्ठल देवीदास राठोड, करण अर्जुन राठोड, वसंत देवीदास राठोेड, मोहन देवीदास राठोड, राहुल मोहन राठोड, एक महिला, विक्रम वसंत राठोड, सचिन विनायक राठोड, रंजित विनायक राठोड (सर्व रा. मंठा) यांच्याविरुद्ध परतूर पोलीस ठाण्यात गुन्हा दाखल करण्यात आला आहे. पुढील तपास पोहकॉ. सरदार हे करीत आहेत.