जिल्हा विकास समिती सदस्यपदी चाऊस

रामनगर भागामध्ये निधीसंकलन फेरी

जालना : आयोध्या येथील श्रीराम मंदिर निर्माणाच्या पार्श्वभूमीवर रामनगर परिसरात निधी संकलन फेरी काढण्यात आली. सोमनाथ येथील गोरक्षनाथ आश्रमाचे मठाधिपती बलदेवानंद गिरी महाराज यांच्या हस्ते या फेरीस प्रारंभ करण्यात आला. यावेळी डॉ.धनसिंग बहुरे, शरद सोनुने, कीर्तनकार गणेश महाराज कोल्हे, सुखदेव महाराज गोरे, दामोदर सोनुने यांच्यासह ग्रामस्थ उपिस्थत होते.

शहरातील कोरोना योद्ध्यांचा सत्कार

जालना : परशुराम जन्मोत्सव समितीच्या वतीने आनंदवाडी श्रीराम मंदिर संस्थानचे प्रमुख रामदास महाराज आचार्य यांच्या हस्ते कोरोना योद्ध्यांचा सत्कार करण्यात आला, तसेच गुणवंतांचाही गौरव करण्यात आला. कार्यक्रमास समिती अध्यक्ष संजय देशपांडे, आर.आर. जोशी, विलास नाईक, सिद्धिविनायक मुळे, कल्याण देशपांडे, सुनील जोशी, राजेंद्र देशमुख, रवि जोशी आदींची उपस्थिती होती.

अवैध धंद्यांवर कारवाई करण्याची मागणी

जालना : शहरासह ग्रामीण भागात अवैध दारूविक्री जोमात सुरू आहे. तळीरामांमुळे कायदा-सुव्यवस्थेचा प्रश्न निर्माण होत असून, महिला, मुलींना नाहक त्रास सहन करावा लागत आहे, तरी राज्य उत्पादन शुल्क विभाग, पोलिसांनी अवैध धंद्यांवर कारवाई करावी, अशी मागणी होत आहे.