माहेश्वरी माता पॅनेलचे वर्चस्व

दाभाडी : बदनापूर तालुक्यातील दाभाडी येथील ग्रामपंचायत निवडणुकीमधे एकूण १३ सदस्यांपैकी ७ सदस्य माहेश्वरी माता पॅनेलचे विजयी झाले आहेत. तर समर्थ ग्रामविकास पॅनेलचे पाच सदस्य निवडून आले आहेत.

दाभाडी येथील वॉर्ड क्रमांक एकमध्ये माहेश्वरी माता पॅनेलमधील नंदाबाई जैवाळ, शारदा गाढे, वॉर्ड क्रमांक दोनमध्ये समर्थ ग्राम विकास पॅनेलचे उज्ज्वला जैवाळ, मंदाकिनी निकम तर माहेश्वरी माता पॅनेलचे कैलास बकाल, वॉर्ड क्रमांक तीनमध्ये माहेश्वरी माता पॅनेलचे गुलफिशा अदनान सौदागर, जुल्फेकार असद मिया बागवान, भाऊसाहेब टेकाळे, वॉर्ड क्रमांक चारमध्ये माहेश्वरी माता पॅनेलचे सुरेश टेकाळे तर समर्थ ग्रामविकास पॅनेलचे कविता टेकाळे, अर्चना बकाल हे उमेदवार विजयी झाले. वॉर्ड पाचमध्ये अपक्ष उमेदवार संदीप रगडे, समर्थ ग्रामविकास पॅनेलच्या शांताबाई रगडे या विजयी झाल्या. वॉर्ड क्रमांक चार मधील उमेदवार अर्चना बकाल आणि सुवर्णा बकाल या दोन्ही उमेदवारांना समान मते पडल्यामुळे या जागेसाठी चिठ्ठ्या टाकून सोडत काढण्यात आली. यात अर्चना बकाल या विजयी उमेदवार म्हणून घोषित करण्यात आल्या.