गोपाल बऱ्हाटे यांची जिल्हा सचिवपदी निवड

धनगर पिंपळगावामध्ये गावात स्वच्छता मोहीम

मठपिंपळगाव : अंबड तालुक्यातील धनगर पिंपळगाव येथेे ‘माझं गाव, सुंदर गाव’ या उपक्रमांतर्गत स्वच्छता मोहीम राबविण्यात आली. यावेळी गावातील विविध भागांसह मंदिर परिसरात स्वच्छता करण्यात आली. या मोहिमेत ग्रामस्थांनी सहभाग नोंदविला. अखिल भारतीय छावा संघटनेचे युवक तालुका उपाध्यक्ष आकाश पाटील यांनी उपस्थितांना स्वच्छतेचे महत्त्व समजावून सांगितले.

‘जीवरेखा’तून तिसरे पाणी सोडण्याची मागणी

टेंभुर्णी : अकोलादेव येथील जीवरेखा धरणातून रबी हंगामासाठी तिसरे पाणी सोडावे, अशी मागणी अकोलादेव, टेंभुर्णी येथील शेतकऱ्यांनी पाटबंधारे विभागाला दिलेल्या निवेदनात केली आहे. यावेळी विष्णू सवडे, अरुण सवडे, सांडू सवडे, संजय सवडे, दामोदर सवडे, केशव सवडे, रतन सवडे, मल्हारी सवडे, फकीरबा घोडसे, शेख रईस, गणेश सवडे, शेख मसरत, संतोष सवडे आदींची उपस्थिती होती. दरम्यान, वरिष्ठ कार्यालयाची परवानगी घेऊन पुढील निर्णय घेतला जाईल, असे शाखा अभियंता माधुरी जुन्नारे यांनी सांगितले.