सोयरीकीला बोलावले नाही म्हणून फोडले डोके..!

मुलीच्या सोयरीकीला आणि बस्ता घेण्यासाठी बोलावले नाही या कारणावरून शिवीगाळ करून मारहाण करुन डोके फोडून जखमी केल्याची घटना जालना तालुक्यातील नाव्हा येथे घडली.

जालना : मुलीच्या सोयरीकीला आणि बस्ता घेण्यासाठी बोलावले नाही या कारणावरून शिवीगाळ करून मारहाण करुन डोके फोडून जखमी केल्याची घटना जालना तालुक्यातील नाव्हा येथे घडली. विजय किसन पवार (रा. किनगाव ता. सिंदेखेडराजा) यांच्या फिर्यादीवरुन बबन सुखलाल पवार, राहुल सुखलाल पवार, सुखलाल किसन पवार आणि चार महिलांविरुद्ध मंगळवारी तालुका जालना पोलीस ठाण्यात गुन्हा दाखल करण्यात आला.
गौणखनिजाची चोरटी वाहतूक
जालना : गौण खनिजाची चोरटी वाहतूक करणाऱ्या दोन विनाक्रमांकाचे ट्रॅक्टर पकडून ३ लाख ३१ हजार रुपयांचा मुद्देमाल जप्त केल्याची घटना मंगळवारी घनसावंगी तालुक्यातील गुंज येथे घडली. मंडळ अधिकारी रख्माजी नारायण घनवट यांच्या फिर्यादीवरुन संशयीत सय्यद मुनाज सय्यद बाबा मिया यांच्या विरुध्द गुन्हा दाखल करण्यात आला.
सोन्याचे गंठण पळविले
जालना : शिताफितीने कोणीतरी गळ्यातील ९८ हजार रुपये किमतीचे सोन्याचे गंठन चोरुन नेल्याची घटना सोमवारी अंबड येथील बसस्थानकात घडली. पंढरीनाथ गणपत आटोळे यांच्या फिर्यादीवरुन मंगळवारी गुन्हा दाखल करण्यात आला.
एकास काठीने मारहाण
जालना : गाईने धडक दिल्याच्या कारणावरुन संगनमत करुन काठीने मारहाण केल्याची घटना २२ फेब्रुवारी रोजी भोकरदन तालुक्यातील तपोवन येथे घडली. हिराबाई गुलाब राठोड यांच्या फिर्यादीवरुन नंदू चतूर राठोड यांच्या विरुध्द मंगळवारी गुन्हा दाखल करण्यात आला.