सुधारित... सात दुचाकींसह दोन चोरटे जेरबंद

फोटो

जालना : शहर आणि परिसरात दुचाकी चोरी करणाऱ्या दोन सराईत चोरट्यांना गुन्हे शाखेच्या पथकाने बुधवारी जेरबंद केले. त्यांच्याकडून तब्बल सात दुचाकी ताब्यात घेण्यात आल्या आहेत. संबंधितांकडून दुचाकी चोरीचे इतर गुन्हे समोर येण्याची शक्यता पोलिसांनी वर्तविली आहे.

शहर व परिसरात दुचाकी चोरीचे प्रमाण वाढले आहे. दुचाकी चोरांच्या शोधार्थ गुन्हे शाखेची टीम कार्यरत होती. शहरातील दुचाकी चोरांपैकी दोघांची माहिती पोलीस निरीक्षक सुभाष भुजंग यांना मिळाली. त्या माहितीनुसार पथकाने बुधवारी सकाळी करणसिंग छगनसिंग भोंड, शेख आरेफ शेख साबेर (दोघे रा. जालना) या दोघांना ताब्यात घेतले. त्यांच्याकडे कसून चौकशी केल्यानंतर त्यांच्याकडून तब्बल सात दुचाकी जप्त करण्यात आल्या. या दुचाकी चोरांकडून शहरातील इतर दुचाकी चोरीचे गुन्हे उघडकीस येण्याची शक्यता वर्तविली जात आहे.

ही कारवाई पोलीस अधीक्षक विनायक देशमुख, अपर पोलीस अधीक्षक विनायक देशमुख यांच्या मार्गदर्शनाखाली गुन्हे शाखेचे पोलीस निरीक्षक सुभाष भुजंग, सहायक पोलीस निरीक्षक शिवाजी नागवे, पोलीस उपनिरीक्षक दुर्गेश राजपूत, हवालदार सॅम्युएल कांबळे, किशोर एडके, प्रशांत देशमुख, गोकुळ कायटे, विनोद गडदे, कृष्णा तंगे, सचिन चौधरी, प्रशांत लोखंडे, विलास चेके यांच्या पथकाने केली.