अंतरवाली दगडफेक प्रकरणातील आरोपी ऋषिकेश बेदरेला पुन्हा अटक

पाच दिवसांची पोलिस कोठडी

वडीगोद्री (जि. जालना) : अंबड तालुक्यातील अंतरवाली सराटी गावातील दगडफेक प्रकरणातील आरोपी ऋषिकेश बेदरे याला पोलिसांनी गावठी पिस्टल बाळगल्याप्रकरणी अटक केली आहे. त्याला मंगळवारी न्यायालयात हजर केले असता, न्यायालयाने २ डिसेंबरपर्यंत पोलिस कोठडी सुनावली.

अंतरवाली सराटी येथील दगडफेक प्रकरणात पोलिसांनी ऋषिकेश बेदरे याला यापूर्वी अटक केली होती. या प्रकरणात न्यायालयाने त्याला २ डिसेंबरपर्यंत न्यायालयीन कोठडी सुनावली होती. पोलिसांनी मंगळवारी बेकायदेशीर हत्यार बाळकल्या प्रकरणात बेदरे याला अटक करून न्यायालयात हजर केले होते. न्यायालयाने त्याला २ डिसेंबरपर्यंत (पाच दिवसांची) पोलिस कोठडी सुनावली आहे.