शाळा त्वरित सुरू करा, अन्यथा मुंबईत आंदोलन

महाराष्ट्र इंग्लिश स्कूल ओनर्स असोसिएशन (मेस्को) संघटनेचा मंठा येथे मेळावा पार पडला. यावेळी नूतन पदाधिकाऱ्यांची निवड करण्यात आली. यावेळी ते बोलत होते. मेळाव्यास राज्य उपाध्यक्ष सचिन जाधव, मराठवाडा अध्यक्ष ॲड. कैलास जारे, जिल्हा सचिव गणेश सुलताने, जिल्हा उपाध्यक्ष प्रमोद आर्सुड, डॉ. गंगाधर पांढरे, जिल्हा संघटक ज्ञानेश्वर बरबडे यांची प्रमुख उपस्थिती होती. कार्यक्रमाचे प्रास्ताविक बाळासाहेब गोरे यांनी केले. मेळाव्यात मंठा तालुकाध्यक्षपदी सुभाष निर्वळ, उपाध्यक्ष सतीश कळणे, सचिव सुरेश जाधव, कोषाध्यक्ष बाळासाहेब गोरे, सहसचिव अमोल कुलकर्णी यांची निवड करण्यात आली. नूतन पदाधिकाऱ्यांचा मान्यवरांच्या हस्ते सत्कार करण्यात आला. मेस्कोच्या वतीने संस्थाचालकांच्या विविध १२ मागण्या राज्य सरकार व केंद्र सरकारकडे मांडण्यात आल्या असून, त्या सोडविण्यासाठी पाठपुरावा सुरू असल्याचेही वाळके यांनी यावेळी सांगितले. यावेळी उपस्थित इतर पदाधिकाऱ्यांनीही मनोगत व्यक्त केले. तसेच मंठा तालुकाध्यक्ष निर्वळ यांनी संघटना वाढीसह संस्थाचालकांच्या प्रश्नांसाठी लढा उभारणार असल्याचे यावेळी सांगितले.

फोटो