उध्दव गीते यांना राज्यस्तरीय पुरस्कर

बंद असलेले पथदिवे सुरू करण्याची मागणी

अंबड : शहरांतर्गत काही भागातील पथदिवे बंद पडले आहेत. पथदिवे बंद असल्याने रात्रीच्या वेळी संबंधित भागातील पादचाऱ्यांची मोठी गैरसोय होत आहे. शिवाय अंधाराचा फायदा घेत भुरटे चोरही सक्रीय झाले असून, नागरिकांमध्ये भीतीचे वातावरण आहे. ही बाब पाहता नगर पालिका प्रशासनाने लक्ष देऊन बंद पडलेले पथदिवे सुरू करावेत, अशी मागणी होत आहे.

अंबडच्या आठवडी बाजारात नियमांकडे दुर्लक्ष

अंबड : कोरोनाच्या पार्श्वभूमीवर आठवडी बाजार बंद ठेवण्याचा निर्णय प्रशासनाने घेतला आहे. परंतु, अंबड येथे प्रशासकीय नियमांना बगल देत रविवारी बाजार भरविण्यात आला होता. विशेषत: अनेकांनी मास्क न घालता, सुरक्षित अंतराच्या नियमाला तिलांजली देऊन व्यवहार केले. शहरात कोरोनाची रुग्णसंख्या वाढत आहे. त्यामुळे सूचनांचे उल्लंघन करणाऱ्यांवर प्रशासनाने कारवाई करण्याची गरज आहे.