जिल्हाधिकाऱ्यांना मागण्यांचे निवेदन

मोर्चात सहभागी व्हावे - उद्धवराव पवार

तळणी : विविध मागण्यांसाठी २४ जानेवारी रोजी जालना शहरात ओबीसी समाज बांधवांच्या वतीने काढण्यात येत असलेल्या मोर्चात सर्वांनी सहभागी व्हावे, असे आवाहन माजी जिल्हा परिषद सदस्य उद्धवराव पवार यांनी प्रसिद्धिपत्रकाद्वारे केले आहे. मोर्चात ओबीसींची जातनिहाय जनगणना यांसह विविध मागण्या करण्यात येणार आहेत.

सदस्यपदी भुजंग

राजूर : जिल्हा ग्रामीण विकास यंत्रणा, जिल्हा समन्वय व संनियंत्रण समितीच्या सदस्यपदी येथील सरपंच भाऊसाहेब भुजंग यांची नियुक्ती करण्यात आली आहे. याबद्दल भुजंग यांचे सर्वत्र स्वागत होत आहे.

अखिल भटका जोशी समाजाची बैठक

जालना : आपल्या प्रलंबित मागण्यांकडे शासनाचे लक्ष वेधण्यासाठी ओबीसी समाज बांधवांच्या वतीने रविवारी मोर्चा काढला जाणार आहे. या मोर्चाच्या तयारीसाठी अखिल भटका जोशी समाज बांधवांची शनिवारी बैठक झाली. या प्रसंगी शांतीलाल झुंगे, श्रीराम यज्ञेकर, रमेश यज्ञेकर, बाळासाहेब सानप, गजानन गोंडे आदींची उपस्थिती होती.

सुभाषचंद्र बोस यांची जयंती साजरी

दानापूर : भोकरदन तालुक्यातील दानापूर येथील उर्दू व मराठी माध्यम जिल्हा परिषद शाळेत शनिवारी सुभाषचंद्र बोस यांची जयंती साजरी करण्यात आली. प्रथम मुख्याध्यापकांनी सुभाषचंद्र बोस यांच्या प्रतिमेचे पूजन केले. या वेळी शिक्षक, शिक्षकेतर कर्मचाऱ्यांसह महिलांची उपस्थिती होती. दरम्यान, शिक्षकांनी सुभाषचंद्र बोस यांच्या कार्याविषयी माहिती दिली.