खड्ड््याने घेतला दुचाकीस्वाराचा बळी

रस्त्यावरील खड्डा चुकविण्याचा प्रयत्नात दुचाकी व छोटा हत्ती वाहनाची टक्कर होऊन दुचाकीवरील एक जण ठार तर अन्य एक जण गंभीर जखमी झाला

शहागड : रस्त्यावरील खड्डा चुकविण्याचा प्रयत्नात दुचाकी व छोटा हत्ती वाहनाची टक्कर होऊन दुचाकीवरील एक जण ठार तर अन्य एक जण गंभीर जखमी झाला. सोमवारी सकाळी शहागडजवळ ही दुर्घटना घडली. अपघातग्रस्त दोघेही गेवराई तालुक्यातील तलवाडा येथील रहिवासी आहेत.
तलवाडा येथील (ता.गेवराई) मुन्ना बशीर सय्यद व शेख फरहान हे दोघे सोमवारी सकाळी अकराच्या सुमारास दुचाकीवरून (क्र. एमएच.२०, एएन२९९३) अंबडकडे येत असताना खामगावनजीक गोदावरी नदीच्या पुलाजवळ वळण रस्त्यावरील खड्डा चुकविण्याच्या प्रयत्नात औरंगाबादकडून येणारा छोटा हत्ती व दुचाकीची समोरासमोर धडक झाली. यात मुन्ना बशीर सय्यद (२५) हा जागीच ठार झाला, तर शेख फरहान हा गंभीर जखमी झाला. अपघातानंतर चालक वाहनासह पळून गेला. अपघाताची माहिती मिळताच शहागड पोलीस चौकीचे सहायक फौजदार सय्यद नासेर , जमादार अंकुश दासर, पो.कॉ. गणेश बुजाडे यांनी जखमी फरहान शेख यांना उपचारासाठी शहागडला हलविले. त्यानंतर अपघाताबाबत गेवराई पोलिसांना माहिती दिली.