बिलवाडीतील पीडितेच्या आईला आरोपींकडून धमकी

ॲट्रॉसिटी दाखल करण्याची मागणी

बिलवाडीतील पिडीतेच्या आईला आरोपींकडुन धमकी

अट्रासीटी दाखल करण्याची मागणी

बिलवाडीतील पिडीतेच्या आईला संशयीत आरोपींकडुन धमकी

लोकमत न्यूज नेटवर्क

जामनेर : बिलवाडी (ता. जामनेर) येथील मतिमंद अल्पवयीन मुलीवर अत्याचार संशयितांकडून गुन्हा मागे घेण्यासाठी पीडितेच्या आईला गावात राहू न देण्याची धमकी व जातिवाचक शिवीगाळ केली जात आहे. संशयित आरोपींविरूध्द अनुसूचित जाती जमाती कायद्यान्वये ॲट्रॉसिटीचा गुन्हा दाखल करण्याची मागणी संत शिरोमणी गुरु रविदास संस्थेने पोलीस अधीक्षकांकडे केली आहे.

पीडितेच्या आईने समाजबांधवांसोबत सोमवारी जिल्हाधिकारी व पोलीस अधीक्षकांची भेट घेऊन निवेदन दिले. गुन्ह्यातील अज्ञान बालक संशयितांची जामीनावर मुक्तता झाली असून, त्यांनी घरी येऊन जातिवाचक शिवीगाळ केली व गुन्हा मागे न घेतल्यास गावात राहू देणार नाही, अशी धमकी दिल्याचे निवेदनात नमूद केले आहे.

कारवाई न झाल्यास समाजबांधव आंदोलन करतील, तसेच मोर्चा काढतील, असा इशारा देण्यात आला आहे. निवेदनावर मनोहर जोनवाल, शैलेंद्र लोडते, भारत रिछवाल, खंडू पवार, मनोज सोनवणे, विनोद गायकवाड, गणेश लोडते यांच्या सह्या आहेत.