कंपनीची ऑर्डर घेण्यास गेलेल्या प्रौढाची दुचाकी लंपास

जळगाव : जिजाऊ नगरात रवींद्र सुरेश गुरव (४२) हे २० मे रोजी दुपारी १२ वाजता कंपनीची ऑर्डर घेण्यासाठी दुचाकी (क्र.एमएच.१९.बीएफ.६५५५)ने बी. जे. मार्केट येथे आले होते. काम आटोपून १ वाजेच्या सुमारास ते दुचाकी उभी केलेल्या ठिकाणी आले असता, त्यांना दुचाकी चोरीला गेल्याचे दिसून आले. अखेर शुक्रवारी त्यांनी जिल्हापेठ पोलीस ठाण्यात तक्रार दिली. त्यानुसार अज्ञात चोरट्याविरुद्ध गुन्हा दाखल करण्‍यात आला आहे.

पार्किंगमधून बुलेट चोरी

जळगाव : गिरणा टाकीजवळील सुमधुर अपार्टमेंटमध्ये संदीप अशोक लुल्ला यांची एमएच.१९.सीके.२५०८ क्रमांकाची बुलेट १९ मे रोजी सकाळी १० वाजता अपार्टमेंटच्या पार्किंगमध्ये उभी केली होती. २० मे रोजी दुपारी ४ वाजता लुल्ला हे पार्किंगमध्ये आले असता, त्यांना त्यांची दुचाकी दिसून आली नाही. शुक्रवारी सायंकाळी त्यांच्या फिर्यादीवरून अज्ञात चोरट्याविरुद्ध गुन्हा दाखल करण्‍यात आला आहे.