अल्पवयीन मुलीसोबत अश्लील चाळे करत असताना आढळला अन्...; जळगावमधील प्रकार

जळगावमधील नगरदेवळा (ता. पाचोरा) येथील दोन वर्षांच्या पीडित बालिकेच्या आईने याप्रकरणी तक्रार दिली की, १२ रोजी संध्याकाळी सातच्या सुमारास त्यांची दोन वर्षांची मुलगी घरी नसल्याचे लक्षात आल्याने फिर्यादीने शोधाशोध केली असता शेजारील सुभाष महादू महाजन (६०) या इसमाच्या घरातून ओरडण्याचा आवाज आला तेव्हा या महिलेने सुभाष महाजन यांचा दरवाजा ठोठावला असता तो आतून बंद होता. यावेळी मुलीचा आवाज येत असल्याचे ऐकून तिने तिच्या दिरांना व गल्लीतील लोकांना बोलावले असता सुभाष महाजन हा बालिकेशी अश्लील चाळे करत असताना आढळून आला.

गल्लीतील लोकांनी सुभाष महाजन यास ताब्यात घेऊन त्यास पब्लिक मार दिला. यावेळी महाजन यास जोरदार मार लागल्याने त्यास दवाखान्यात दाखल केले. सदर बालिकेची सुटका करून आरोपी सुभाष महाजन यास पोलिसांच्या स्वाधीन केले. याप्रकरणी पाचोरा पोलिसात पीडितेच्या आईच्या फिर्यादीवरून सुभाष महाजन (रा. नगरदेवळा) याच्या विरुद्ध भादंवि ३५४ अ बाललैंगिक अत्याचार संरक्षण कायदा पोस्को ३, ४, ५, ६, ८, ७अंतर्गत गुन्हा दाखल झाला असून, पुढील तपास पोलीस निरीक्षक किसनराव नजन पाटील यांच्या मार्गदर्शनाने पोलीस हेडकॉन्स्टेबल मुकुंद परदेशी हे करीत आहेत.