मॉल आणि मल्टिप्लेक्सला शिवजयंती साजरी करण्याचे आवाहन

जळगाव : शिवसेना जळगाव महानगर व युवाशक्ती फाऊंडेशनतर्फे शहरातील सर्व मॉल्स व मल्टिप्लेक्सच्या व्यवस्थापकांना शासकीय तारखेनुसार शिवजयंती उत्सव साजरा करण्याविषयी निवेदन देण्यात आले आहे.

या निवेदनातून छत्रपती शिवाजी महाराजांच्या आठवणींना उजाळा देण्यासाठी तसेच येणाऱ्या युवा पिढीवर छत्रपती शिवाजी महाराजांचे संस्कार होण्यासाठी सर्व मॉल्स व मल्टिप्लेक्समध्ये शिवजयंती उत्सव थाटात साजरा करण्यात यावा. या संकल्पनेतून आपण १९ फेब्रुवारी रोजी शिवजयंती आपल्या मॉलच्या प्रांगणात विविध कार्यक्रमांद्वारे साजरी करण्याचे आदेश देण्यात आले आहेत. या निवेदनासह छत्रपती शिवाजी महाराजांच्या जीवनावर आधारित पुस्तकसुद्धा देण्यात आले.

यावेळी युवाशक्तीचे अध्यक्ष विराज कावडीया, अमित जगताप, संदीप सूर्यवंशी, प्रशांत सुरळकर, ईश्वर राजपूत, जाकीर पठाण, गणेश गायकवाड, पियुष हसवाल, प्रीतम शिंदे, उमाकांत जाधव, अर्जुन भारूळे, उमेश चौधरी, पूनम राजपूत, शंतनू नारखेडे उपस्थित होते.