अट्टल दुचाकीचोर एलसीबीच्या जाळ्यात

लोकमत न्यूज नेटवर्क

जळगाव : दुचाकी चोरीत अट्टल असलेल्या नासीर शेख सलीम शेख (वय ३५, रा. पहूरपेठ, ता. जामनेर) याला स्थानिक गुन्हे शाखेच्या पथकाने रविवारी अटक केली. त्याच्याकडून पाचोरा येथून चोरलेली दुचाकी हस्तगत करण्यात आली आहे.

स्थानिक गुन्हे शाखेचे सहायक फौजदार अशोक महाजन, सुनील दामोदरे, जयंत चौधरी, दीपक पाटील, नंदलाल पाटील, प्रमोद लाडवंजारी, किरण धनगर, भगवान पाटील, सचिन महाजन, मुरलीधर बारी यांच्या पथकाने रविवारी पहूर येथे सापळा लावून चोरीच्या दुचाकीसह नासीर शेख यास अटक कली. त्यास पुढील कारवाईसाठी पाचोरा पोलिसांच्या ताब्यात देण्यात आले आहे.

संशयिताकडून आणखी एक दुचाकी हस्तगत

स्थानिक गुन्हे शाखेने अटक केलेल्या पारदर्शक उल्हास पाटील (वय २२) याने पहूर येथील विनोद प्रल्हाद पाटील यांच्याकडे दिलेली चोरीची दुचाकी हस्तगत करण्यात आली आहे. हस्तगत करण्यात आलेल्या दुचाकीबाबत एमआयडीसी पोलीस ठाण्यात गुन्हा दाखल असून दुचाकी एमआयडीसी पोलिसांच्या स्वाधीन करण्यात आली आहे.