चाळीसगावात निकालापूर्वीच झळकला विजयाचा बॅनर

विजयी जल्लोषाची तयारी

चाळीसगाव, जि. जळगाव : जळगाव लोकसभा मतदार संघातील महायुतीचे उमेदवार व चाळीसगावचे आमदार उन्मेष पाटील यांचा विजयाचा बॅनर गुरुवारी मतमोजणी सुरु होण्यापूर्वीच चाळीसगाव शहरातील सिग्नल चौकात झळकला. भाजपाचे शहराध्यक्ष व नगरसेवक घृष्णेश्वर पाटील हे शुभेच्छुक म्हणून या फलकावर दिसत आहे. दुपारी मताधिक्य जसजसा वाढत गेला तसतसा विजयाची तयारी केली जात असल्याचे चित्रही पहायला मिळाले.