पिलखोड येथे उभारली मनमोहक अशी गुढी

पिलखोड, ता. चाळीसगाव : ग्रामपंचायत कार्यालय पिलखोड येथे शिवराज्याभिषेक दिनानिमित्त आगळावेगळा असा मनमोहक सोहळा मोठ्या उत्साहपूर्ण वातावरणात साजरा करण्यात आला. अशा २१ फुटांच्या गुढीचे पूजन सरपंच प्रकाश यशोद व उपसरपंच गोकुळ बाविस्कर, भय्या पाटील.व ग्रामपंचायत सदस्यांनी केले तर शिवराज्याभिषेक प्रतिमेचे व छत्रपती शिवाजी महाराज यांचा पुतळ्याचे पूजन व दीपप्रज्वलन सरपंच प्रकाश यशोद, उपसरपंच गोकुळ बाविस्कर व माजी सरपंच उमराव पाटील, नामदेव बाविस्कर, पोपटराव पाटील, बापूराव बाविस्कर, सुरेश पाटील, सुनील बाविस्कर, भय्या पाटील, गोरख बाविस्कर, संदीप मोरे, दत्तात्रय माळी, दिलीप चौधरी, आनंदा पाटील, डॉ. हेमंत पवार, दिलीप माळी, ग्रामविकास अधिकारी जयवंत येवले, सर्व ग्रामपंचायत कर्मचारी, पोलीस पाटील प्रशांत पाटील यांच्या हस्ते करण्यात आले. छत्रपती शिवाजी महाराज यांच्या जीवनावरील माहिती पोपटराव पाटील.व पिलखोड येथील डॉ. हेमंत पवार, मिलिंद यशोध यांनी आपल्या मनोगतातून प्रदान केली.

सोहळा पार पाडण्यासाठी ग्रामविकास अधिकारी जयवंत येवले, भागवत पाटील, योगेश मोरे, अमजद दादामिया शेख, सुरेश मोरे, दत्तू मोरे, कृष्णा माळी यांनी अथक असे परिश्रम घेतले. आभार जयवंत येवले यांनी केले.