भाजपच्या बैठकीत घेतला संघटनात्मक कामांचा आढावा

भुसावळ : भाजप शहर व ग्रामीण बूथप्रमुख व शक्ती केंद्रप्रमुखांची बैठक लोणारी मंगल कार्यालय भुसावळ येथे आयोजित करण्यात आली होती. या बैठकीत आगामी नगरपालिका, जिल्हा परिषद व पंचायत समिती निवडणुका व बूथरचनेबद्दल मार्गदर्शन केले. याचबरोबर संघटनात्मक कामाबाबत आढावा घेतला.

यावेळी बूथप्रमुखांनी केंद्र शासनाच्या आयुष्यमान भारत, प्रधानमंत्री पीकविमा योजना, प्रधानमंत्री किसान सन्मान निधी योजना तसेच इतर जन उपयोगी योजना तळागाळातील कार्यकर्ते तसेच समाजाच्या शेवटच्या घटकापर्यंत पोहचविण्याचे आवाहन करण्यात आले.

बैठकीस खासदार रक्षा खडसे, भाजप जिल्हाध्यक्ष तथा आमदार सुरेश भोळे, आमदार संजय सावकारे, बेटी बचाव, बेटी पढाव राष्ट्रीय संयोजक डॉ.राजेंद्र फडके, जिल्हा संघटक सरचिटणीस सचिन पानपाटील, जिल्हा उपाध्यक्ष राजेंद्र चौधरी, जिल्हा उपाध्यक्ष अजय भोळे, जिल्हा चिटणीस शैलजा पाटील, पंचायत समिती सभापती भुसावळ वंदना उन्हाळे, उपसभापती प्रीती पाटील, उपनगराध्यक्ष सोनी बारसे, तालुकाध्यक्ष भालचंद्र पाटील, शहराध्यक्ष परिक्षित बऱ्हाटे, विधानसभा क्षेत्रप्रमुख संजय पाटील, वरणगाव माजी नगराध्यक्ष सुनील काळे, ज्येष्ठ कार्यकर्ते अल्लाउद्दीन शेख यांच्यासह भुसावळ शहर व ग्रामीणचे शक्ती केंद्रप्रमुख व बूथप्रमुख मोठ्या संख्येने उपस्थित होते.