...अन् आमदार सुरेश भोळे पडले खाली; गणपती मिरवणुकीतील व्हिडीओ व्हायरल

Suresh Bhole Video : गणपती विसर्जन मिरवणुकीत कार्यकर्त्याच्या खांद्यावर बसताना तोल गेला आणि आमदार सुरेश भोळे खाली पडले. या घटनेचा व्हिडीओ समोर आला आहे.

Maharashtra Viral Video : गणरायाला मंगळवारी वाजत गाजत निरोप देण्यात आला. जळगाव शहरातही गणपती विसर्जन शांततेत पार पडले. पण, एक व्हिडीओ सोशल मीडियावर व्हायरल झाला आहे. ज्यात भाजप आमदार सुरेश भोळे कार्यकर्त्याच्या खांद्यावरून खाली पडल्याचे दिसत आहे. जळगाव शहरात विसर्जन मिरवणुकीदरम्यान ही घटना घडली.  

जळगाव शहरात मोठ्या उत्साहात गणपती विसर्जन मिरवणूक काढण्यात आल्या होत्या. या मिरवणुकीत कॅबिनेट मंत्री गिरीश महाजन, जळगाव शहरचे आमदार सुरेश भोळे हेही सहभागी झाले होते. 

गिरीश महाजन यांनी गाण्याच्या तालावर ठेका धरला होता. आमदार सुरेश भोळेही त्यामध्ये सामील झाले. त्याच वेळी पाठिमागून एक कार्यकर्ता आला अन् हा प्रसंग घडला. 

गणपती विसर्जन मिरवणुकीत नाचत असताना एका कार्यकर्त्याने भाजप आमदार भोळे यांना खांद्यावर घेण्याचा प्रयत्न केला. पण, भोळे यांना खांद्यावर घेऊन उभे राहत असतानाच तोल गेला आणि भोळे खाली पडले. यावेळी आजूबाजूच्या लोकांना त्यांना पटकन हात दिला आणि उभे केले.

गिरीश महाजन यांनी ठेका धरला होतो, कार्यकर्ता आला त्याने आमदार उचलले अन् आमदार सुरेश भोळे असे पडले... pic.twitter.com/04ESehlDFe

— jitendra (@jitendrazavar) September 18, 2024

सुदैवाने यात आमदार सुरेश भोळे यांनाही कोणतीही दुखापत झाली नाही. यावेळी कार्यकर्त्यांसोबत नाचत असलेले गिरीश महाजनही धावत आले. त्यांनी कार्यकर्त्यांना समजावले आणि सगळे जण नाचायला लागले.