बडीखेडा येथे महिलेचा निर्घूण खून

नेपानगर तालुक्यातील बडीखेडा गावात ३२ वर्षीय महिलेचा हत्याराने वार करून निर्घूण खून करण्यात आला तर महिलेच्या दोघा मुलांवरही हल्ला करण्यात आला

बऱ्हाणपूर : नेपानगर तालुक्यातील बडीखेडा गावात ३२ वर्षीय महिलेचा हत्याराने वार करून निर्घूण खून करण्यात आला तर महिलेच्या दोघा मुलांवरही हल्ला करण्यात आला असून त्यांच्या परिस्थिती गंभीर आहे़ रविवारी मध्यरात्री उशिरा ही घटना घडली़ नेपानगर पोलीस ठाण्यात या प्रकरणी गुन्हा दाखल करण्यात आला़
पोलीस सूत्रांच्या माहितीनुसार बडीखेडा गावातील कविताबाई अजय (वय ३२) नामक महिलेवर अज्ञात आरोपींनी रविवारी मध्यरात्री हल्ला करीत तिचा खून केला तर महिलेच्या अश्विनी (वय चार) व संध्या (वय ६) या दोन्ही मुलींवरही प्राणघातक हल्ला करण्यात आला़ हल्ल्यात दोन्ही मुली बचावल्या असून त्यांच्यावर बऱ्हाणपूर येथील शासकीय जवाहरलाल नेहरू जिल्हा रुग्णालयात उपचार सुरू आहेत़ नेपानगर पोलिसात या प्रकरणी अज्ञात आरोपींविरुद्ध गुन्हा दाखल करण्यात आला आहे़
हल्ल्याचे कारण गुलदस्त्यात
सूत्रांच्या माहितीनुसार, मयत कविताबाई या रोजंदारीने काम करत आपला उदरनिर्वाह करतात तर त्यांचे पतीदेखील पुणे येथे रोजंदारीने कामास आहेत त्यामुळे त्यांची हत्या कुणी केली? हा प्रश्न गुलदस्त्यात आहे़