दीपनगर वीज केंद्रात बोगस नोकर भरती

महाजनकोच्या दीपनगर येथील वीज निर्मिती केंद्रात बोगस नोकर भरती झाल्याच्या संशयावरुन उच्च स्तरावरुन चौकशी केली जात असल्याची माहिती मिळाली आहे.

 भुसावळ, दि.26 : महाजनकोच्या दीपनगर येथील वीज निर्मिती केंद्रात बोगस नोकर भरती झाल्याच्या संशयावरुन उच्च स्तरावरुन चौकशी केली जात असल्याची माहिती मिळाली आहे.

अनुकंपा तत्वावरील दोन व नियमित नोकरभरती प्रक्रियेतील सात अशा नऊ उमेदवारांनी बनावट कागदपत्र सादर करुन नोकरी पटकावल्याबाबत संशय आहे.

तंत्रज्ञ 3 या पदासाठी ही नोकरभरती करण्यात आली आहे.

दरम्यान, याबाबत दीपनगर प्रशासनाकडून पोलिसात गुन्हा दाखल करण्यासाठी हालचाली सुरू आहेत. बुधवारी सायंकाळ र्पयत याबाबत गुन्हा दाखल होण्याची शक्यता आहे.