महामार्गावर पारोळ््यानजीक बस-ट्रकची धडक, १० प्रवासी जखमी

जखमींमध्ये चालकांचाही समावेश

पारोळा, जि. जळगाव : बस व ट्रकची समोरासमोर धडक होऊन झालेल्या अपघातात दोन्ही वाहनांच्या चालकांसह १० प्रवासी जखमी झाले. हा अपघात शनिवारी सकाळी १०.३० वाजेच्या सुमारास पारोळा ते जळगाव मार्गावर कन्हेरी फाट्यानजीक झाला.
जळगावकडून धुळ््याकडे जाणारी बस व समोरुन भरधाव वेगाने ट्रकची समोरासमोर धडक झाली. यात दोन्ही वाहनांचा समोरचा भाग चक्काचूर झाला. यात बस व ट्रकच्या चालकांनाही जबर मार लागला व बसमधील प्रवासी असे एकूण १० जण जखमी झाले. त्यांना पारोळा येथील कुटीर रुग्णालयात हलविण्यात आले. आमदार सतीश पाटील हे या मार्गावरून जात असताना त्यांना अपघात झाल्याचे दिसताच त्यांनी जखमींना मदत केली.