छगन भुजबळ यांनी दिला कुणाल पाटील यांना कानमंत्र

कुणाल पाटील यांनी छगन भुजबळ यांची भेट घेऊन त्यांचे आशीर्वाद घेतले

धुळे : धुळे लोकसभा मतदारसंघाचे कॉँग्रेस, राष्टÑवादी आघाडीचे उमेदवार आमदार कुणाल पाटील यांनी माजी उपमुख्यमंत्री तथा राष्टÑवादी कॉँग्रेसचे ज्येष्ठ नेते छगन भुजबळ यांची नाशिक येथे भेट घेतली. भुजबळ यांनी या भेटीत आमदार पाटील यांना निवडणुकीतील यशासंदर्भात कानमंत्रही दिला.
उमेदवारी जाहीर होताच आमदार पाटील यांनी बुधवारी नाशिक येथे जाऊन ज्येष्ठ नेते छगन भुजबळ यांची भेट घेतली. यावेळी त्यांच्यासोबत नाशिक जिल्हा युवक कॉँग्रेसचे अध्यक्ष स्वप्निल पाटील उपस्थित होते. या भेटीत विविध ज्वलंत विषयांवर उभयतांमध्ये तासभर चर्चा झाली. या निवडणुकीत आघाडीच्या कार्यकर्त्यांनी एकजूटीने काम करावे, असे आवाहनही भुजबळांनी केले.