वडिलोपार्जित हिस्स्यासाठी मुलाचा आईशी वाद

भुसावळ येथील पतसंस्थेबाबत तक्रार

जळगाव : भुसावळ येथील श्री संतोषी माता सोसायटीत ठेवीदारांच्या ठेवी कर्जात मॅचिंग करण्यात आलेल्या असून यात १०० कोटी रुपयांचा भ्रष्टाचार झाल्याची तक्रार रवींद्र भोळे (रा.शांती नगर, भुसावळ) यांनी पोलीस अधीक्षक यांच्याकडे केली आहे. संस्थेचे चेअरमन वासुदेव आनंदा इंगळे व माजी चेअरमन जयंतीलाल शांतीलाल सुराणा यांच्यावर कारवाईची मागणी करण्यात आली आहे.

शेतात गुरे चारल्याचा जाब विचारल्याने मारहाण

जळगाव : शेतात गुरे चारल्याबाबत जाब विचारल्याचा राग आल्याने मानसिंग भगवान पाटील (वय २७,रा.कुसुंबा, ता.जळगाव) या तरुणाला तिघांनी मारहाण केल्याची घटना कुसुंबा शिवारात २७ जून रोजी घडली. याप्रकरणी शैला मखा भरवाड, भगत भरवाडे व संजय कौतिक पाटील या तिघांविरुध्द एमआयडीसी पोलीस ठाण्यात अदखलपात्र गुन्ह्याची नोंद झाली आहे.

मद्याच्या नशेत तरुणाला मारहाण

जळगाव : रस्त्याने जात असलेल्या रोशन ज्ञानेश्वर तायडे (वय २६, रा.वाल्मिक नगर) या तरुणाला काहीही कारण नसतान मद्याच्या नशेत असलेल्या भालचंद्र बळवंत सैदाणे (रा.जुना असोदा रोड) यांनी २ जुलै रोजी सकाळी १०.३० वाजता मारहाण केली व मी कोर्टात आहे. तुला बघून घेईल अशी धमकी दिली. याप्रकरणी २ जुलै रोजी शनी पेठ पोलीस ठाण्यात अदखलपात्र गुन्ह्याची नोंद करण्यात आली आहे.