उंबरखेडला रामराव विद्यालयात आठवी ते बारावीचे वर्ग सुरू

उंबरखेड, ता. चाळीसगाव : येथील रामराव जिभाऊ माध्यमिक व बी.बी.महाले उच्च माध्यमिक विद्यालयात १५ तारखेपासून इयत्ता आठवी ते बारावीचे वर्ग सुरू झाले. पहिल्याच दिवशी उत्तम प्रतिसाद मिळाला. दीडशेपेक्षा जास्त विद्यार्थ्यांनी हजेरी लावून वर्षभरापासून तुटलेली नाळ पुन्हा जोडली. प्राचार्य आर. आर. पाटील, पर्यवेक्षक व्ही. के.निकम यांनी विद्यार्थ्यांचे फूल देऊन, सॅनिटायझर, तापमान तपासून वर्गात स्वागत केले.

शाळा सुरू करण्यासाठी सरपंच केदारसिंग धर्मा पाटील, संस्था सचिव उदेसिंग मोहन पाटील, शाळा समिती चेअरमन संजय संतोष पाटील, सदस्य प्रवीण पाटील, वैद्यकीय अधिकारी डॉ. विशाल पाटील, तलाठी रवींद्र नन्नवरे, ग्रामविकास अधिकारी पाटील, मुख्याध्यापक, पर्यवेक्षक सर्वांनी एकमताने निर्णय घेतला. या निर्णयाला पालकांकडून चांगला प्रतिसाद मिळाला आणि शाळा सुरू झाली.