महागाईविरोधात काँग्रेसचे आंदोलन

लोकमत न्यूज नेटवर्क

जळगाव : काँग्रेसचे खासदार राहुल गांधी यांचा वाढदिवस संकल्प दिन म्हणून साजरा करीत महागाईसह मोदी सरकारच्या विविध निर्णयाची जिल्हा काँग्रेसच्या पदाधिकाऱ्यांनी होळी केली. काँग्रेसभवनात शनिवारी दुपारी २ वाजता हे आंदोलन करण्यात आले. यावेळी मोदी सरकराच्या निर्षधार्थ घोषणा देण्यात आल्या.

महागाईचा भस्मासूर प्रचंड वाढला असून उद्योगधंदे बंद पडल्यामुळे लाखो लोक बेरोजगार झाले असून कोरोना काळात देशाला मरणाच्या खाईत लोटण्याचे काम मोदी सरकारने केल्याची टीका जिल्हाध्यक्ष ॲड. संदीप पाटील यांनी यावेळी केली. पदाधिकाऱ्यांनी यावेळी विविध घोषणांची फलके दाखवून हे आंदोलन केले. यावेळी माजी जिल्हाध्यक्ष उदय पाटील, जिल्हा सरचिटणीस अजाबराव पाटील, एनएसयुआयचे जिल्हाध्यक्ष देवेंद्र मराठे, श्याम तायडे, तालुकाध्यक्ष मनोज चौधरी आदी उपस्थित होते. जिल्हा जनरल सेक्रेटरी जमील शेख, विष्णू घोडेस्वार आदींसह पदाधिकारी कार्यकर्ते उपस्थित होते.

काँग्रेसचेच दोन आंदेालन

सकाळी तालुका काँग्रेसकडून तालुकाध्यक्ष मनोज चौधरी यांच्यासह काही कार्यकर्त्यांच्या उपस्थितीत आंदेालन करण्यात आले तर दुपारी जिल्हा काँग्रेसकडून दुसरे आंदेालन करण्यात आले. या आधीही एकाच मुद्दयावरून काँग्रेसचे दोन वेगवेगळी आंदोलने झाली होती. त्यामुळे काही कार्यकर्त्यांनी नाराजीही व्यक्त केली आहे.