कोरोनाचे रुग्ण वाढले

लोकमत न्यूज नेटवर्क

जळगाव : जिल्ह्यात कोरोनाचा संसर्ग वाढल्याचे चित्र आहे. मंगळवारी ५७ नवे कोरोनाबाधित आढळून आले आहेत. दरम्यान, १५८४ अहवालांमध्ये ५७ बाधित आढळून आले असून, हे प्रमाण ३. ५९ टक्के झाले आहेत. रुग्ण बरे होण्याचे प्रमाण मात्र, कमी अधिक होत असल्याचे चित्र आहे.

मंगळवारी ३१ रुग्ण बरे झाले, तर एकाही मृत्यूची नोंद नसल्याने दिलासा मिळाला. शहरात १४ नवे कोरोनाबाधित आढळून आले आहेत, तर १३ रुग्ण बरे झाले.

नव्या विषाणूचा गंभीर परिणाम नाही?

ब्रिटनमध्ये आढळलेल्या नव्या विषाणूमुळे भीतीचे वातावरण असून, हा नवीन विषाणू भारतात आल्यास पर्यायाने जळगावात आल्यास त्याचे काय गंभीर परिणाम होऊ शकातात, याबाबत काही शासकीय तज्ज्ञांशी चर्चा केली असता. मुख्य विषाणुमुळे जिल्ह्यातील ५५ हजार जनता बाधित झाली आहे. ६० टक्के लोकांमध्ये अँटिबॉडी विकसित झालेल्या आहे. त्यामुळे बदल झालेल्या या विषाणुचा तेवढा गंभीर परिणाम स्थानिक पातळीवर होऊ शकत नाही, अशी शक्यता वर्तविण्यात आली आहे. परदेशातून आलेल्यांवर विशेष लक्ष ठेवले जात असल्याचे आरोग्य विभागाने सांगितले आहे.