Jalgaon: पहूर येथे पोलिसावर हल्ला 

Crime News: रस्त्यात लावलेल्या दोन दुचाकी बाजूला करण्यास सांगितल्याचा राग आल्याने चार जणांनी पोलिसावर हल्ला केला. त्यात पोलीस गंभीर जखमी झाला.  ही घटना शनिवारी रात्री ९.४५ वाजेच्या सुमारास पहूर (ता. जामनेर)  बसस्थानक परिसरात घडली

- मनोज जोशी 
जळगाव - रस्त्यात लावलेल्या दोन दुचाकी बाजूला करण्यास सांगितल्याचा राग आल्याने चार जणांनी पोलिसावर हल्ला केला. त्यात पोलीस गंभीर जखमी झाला.  ही घटना शनिवारी रात्री ९.४५ वाजेच्या सुमारास पहूर (ता. जामनेर)  बसस्थानक परिसरात घडली. 
अनिल सुरवाडे असे या जखमी पोलिसाचे नाव आहे. त्यांना हात आणि डोक्याला जबर दुखापत झाली आहे. पहूर आरोग्य केंद्रात प्राथमिक उपचार करुन त्यांना जळगावला हलविण्यात आले आहे. त्यांच्यासोबत असलेले वाहनचालक रवींद्र मोरे यांनाही या हल्लेखोरांनी धमकावले.  घटनेनंतर हल्लेखोर तिथून पसार झाले. पहूर पोलिसांनी लागलीच बंदोबस्त वाढविला आणि बसस्थानक परिसरातील दुकाने  बंद केली. हल्लेखोरांचा शोध सुरु करण्यात आला आहे.