दगडफेकीत जखमी झालेल्या तरुणाचा मृत्यू

खाजगी रुग्णालयात सुरू होते उपचार

जळगाव : मंगळवारी रात्री शहरातील तांबापुरा भागात झालेल्या दगडफेकीत जखमी झालेल्या नीलेश भाऊराव सपकाळ (३५, रा. हरिविठ्ठल नगर) या पादचारी तरुणाचा शुक्रवारी सकाळी उपचारादरम्यान मृत्यू झाला.
शहरातील तांबापुरा भागात दोन गटात किरकोळ कारणावरून दगडफेक झाल्याची घटना मंगळवारी रात्री १०़३० वाजेच्या सुमारास घडली होती. या दगडफेकीत रस्त्यावरून जात असलेला नीलेश सपकाळ हा तरूण जखमी झाला होता. त्याच्यावर जिल्हा रूग्णालय व नंतर खाजगी रुग्णालयात उपचार सुरू होते.
तांबापुरातील श्यामा फायर कॉम्प्लेक्सजवळ दहा ते बारा तरूण बसलेले होते़ यावेळी त्या तरूणांमध्ये आपआपसात काही कारणामुळे वाद होऊन दगडफेकीला सुरूवात झाली होती.