जीएमसीमध्ये ऑक्सिजन टँकरचे लोकार्पण

जळगाव : भाजपच्यावतीने उपलब्ध करून देण्यात आलेल्या ऑक्सिजन टँकरचे शासकीय वैद्यकीय महाविद्यालय व रुग्णालय जिल्हाध्यक्ष आमदार सुरेश भोळे यांच्याहस्ते लोकार्पण करण्यात आले.

जिल्ह्यासाठी दर आठवड्याला एक ऑक्सिजन टँकर उपलब्ध करून देण्याचे आश्वासन भाजपच्या वतीने देण्यात आले आहे. हे तिसरे टँकर असल्याने जिल्ह्यात ऑक्सिजनची कमतरता भासणार नाही अशी ग्वाही आमदार सुरेश भोळे यांनी दिली. या ऑक्सिजनसाठी कोणत्याही प्रकारचे शुल्क आकारण्यात येणार नसून तो मोफत उपलब्ध करून देण्यात आल्याचेही ते म्हणाले.

महानगराध्यक्ष दीपक सूर्यवंशी, मनपा स्थायी समिती सभापती राजेंद्र घुगे पाटील, भाजप गट नेते भगत बालानी, अधिष्ठाता डॉ. जयप्रकाश रामानंद, नगरसेवक कैलास सोनवणे आदी उपस्थित होते. या ऑक्सिजन टँकरसाठी भारतीय जनता पार्टीकडून निधी दिला जाणार आहे. आपत्कालीन परिस्थितीत हे टँकर उपयोगात आणण्यात येणार असल्याचे आमदार चंदूलाल पटेल यांनी सांगितले.