दाट धुक्यांमुळे दोन तास विमानाला विलंब

जळगाव : आठवडाभरापासून दाट धुक्यांचा विमान सेवेवर परिणाम होत आहे. मंगळवारी अहमदाबादहून दोन तास उशिराने विमान आले.
विमानतळाच्या क्षेत्रात आठवडाभरापासून मोठ्या प्रमाणावर दाट धुके पडत आहेत. यामुळे विमान लँडिंग होतांना अडचणीचा सामना करावा लागत असल्यामुळे, अहमदाबादहून दररोज कधी एक तास तर कधी दोन तास उशिराने जळगावला विमान येत आहे. तसेच सायंकाळी तर धुक्यांचे प्रमाण सकाळपेक्षाही जास्त असल्यामुळे, मुंबईकडून जळगावकडे येणारी सेवाच आठवडाभरापासून बंद करण्यात आली आहे.
दरम्यान, दुपारी बारानंतर दाट धुके कमी झाल्यामुळे दुपारी अडीच वाजता अहमदाबादहून जळगावला विमान आले. तर सायंकाळचे मुंबईकडून येणारे विमान रद्द करण्यात आले.