डॉ. मिलिंद बागूल यांची कविता

फोटो

जळगाव : साहित्यिक डॉ. मिलिंद विनायक बागूल यांनी लिहिलेल्या संदर्भ माझ्या जातीचे या कवितासंग्रहातील ‘ बाबासाहेब आणि आम्ही’ ही कविता कोल्हापूर येथील स्वायत्त विवेकानंद महाविद्यालयांच्या बी. ए. भाग १ अभ्यासक्रमात समाविष्ट करण्यात आली आहे.

याअगोदर कर्नाटकच्या धारवाड विद्यापीठात मराठी विभागाच्या बी. ए., बी.कॉम., बी.बी.ए. वर्गाच्या तिसऱ्या सत्राच्या अभ्यासक्रमात २०२०-२१ या शैक्षणिक वर्षापासून संदर्भ माझ्या जातीचे हा कवितासंग्रह पाठ्यपुस्तक म्हणून समाविष्ट करण्यात आला आहे.

कवितासंग्रहातील समता ही कविता नांदेडच्या स्वामी रामानंद तीर्थ मराठवाडा विद्यापीठात बी.ए. प्रथम वर्षाच्या मराठी विषयाच्या अभ्यासक्रमात समाविष्ट करण्यात आली आहे. उत्तर महाराष्ट्र विद्यापीठाच्या एम. ए. भाग दोनच्या अभ्यासक्रमात याअगोदर कवितासंग्रह समाविष्ट होता. त्यांची शंकरराव खरात कथात्म वाङ्मय संपादित फ. मुं., गजबजलेलं गाव, हमालपुरा ते कुलगुरू ही पुस्तके प्रकाशित झाली आहेत.