ट्रकच्या विचित्र अपघातामुळे महामार्ग सहा तास ठप्प

 मध्यरात्री अपघात : ओव्हरटेक करताना २ ट्रक धडकल्या

ठळक मुद्देचालकाचे ३२ हजार लांबविले

जळगाव : ओव्हरटेक करताना दोन ट्रक समोरासमोर धडकल्याने राष्टÑीय महामार्ग सहा तास ठप्प झाला तर या अपघातात ट्रक चालक राजू चॉँद शेख (३५, रा.पिंपळगाव बसवंत, जि. नाशिक) हा चालक जखमी झाला. बांभोरी गिरणा नदी पुलाजवळ रविवारी मध्यरात्री एक वाजता हा अपघात झाला. जखमीला जिल्हा रुग्णालयात दाखल करण्यात आले आहे.
याबाबत सूत्रांनी दिलेली माहिती अशी की, राजू चॉँद शेख हा चालक नशिराबाद येथील कारखान्यातून ट्रकमध्ये (क्र.एम.एच.१५ ई. जी. ५२५६) सिमेंट भरुन शनिवारी रात्री साडे बारा वाजता निघाला. एक वाजता बांभोरी पुल ओलांडतांना एका ट्रकला ओव्हरटेक करताना समोरुन येणाऱ्या एका ट्रकला वाचविल्यानंतर दुसऱ्या ट्रकवर राजू याचा ट्रक धडकला. त्यामुळे दोन्ही ट्रक रस्त्यावर आडवे झाले. अपघातात सिमेंटच्या ट्रकच्या कॅबीनचा चुराडा झाला, त्यामुळे चालक राजू याचा एक पाय व एक हात फ्रॅक्चर झाला. याचवेळी दुसरा ट्रकही या ट्रकवर धडकला.यात दोन ट्रकचे नुकसान झाले. दरम्यान, सिमेंटचा ट्रक डी.के.सोमाणी यांच्या मालकीचा असून निफाड येथे सिमेंट घेऊन जात होता.
अन्य दोन ट्रकचेही नुकसान
सुरतकडून कोलकाता येथे जात असलेला ट्रक (क्र.डब्ल्यू.बी. २३. डी.१८६२), पाळधीकडून जळगावकडे जात असलेला ट्रक (क्र.एम.एच. १९. झेड.३३५९) आणि सिमेंटने भरलेला ट्रक (क्र.एमएच.१५. इ.जी.५२५६) या एकमेकांवर धडकल्या. मध्यरात्री ट्रक हटविणे जिकरीचे असल्याने पहाटेच्या सुमारास तीन क्रेन मागवून ट्रक रस्त्याच्याकडेला घेण्यात आले. त्यानंतर कुठे वाहतूक सुरळीत झाली.
वाहतूक म्हसावदमार्गे वळविली
बांभोरीजवळ अपघात झाल्याने दोन्ही बाजुंनी वाहनांच्या रांगाच रांगा लागल्या होत्या. वाहतूक लवकर सुरळीत होण्याचे चिन्हे दिसत नसल्याने पोलिसांनी एरंडोलकडून जाणारे काही वाहने म्हसावद, वावडदा, नेरीमार्गे तर जळगावकडून शिरसोली, वावडदा व म्हसावदमार्गे वाहतूक वळविली होती. सकाळी सात वाजेनंतर वाहतूक पूर्ववत झाली. दरम्यान, या अपघातामुळे नोकरदार व कंपनीत जाणाºया कामगारांचे मोठ्या प्रमाणात हाल झाले. जळगावात परिक्षेला येणाºया विद्यार्थ्यांचेही हाल झाले.
दरम्यान, सहाय्यक फौजदार गुलाब मनोरे, दत्तू खैरनार, युसूफ शेख, घनशाम पाटील, हेमंत महाडीक, आसिफ काझी, पवन तडवी, हिरालाल ऊमळकर, चंद्रकांत सोनवणे, चंद्रकांत पाटील यांनी वाहतूक सुरळीत केली. अपघातग्रस्त वाहनांचे चाकेच निखळल्याने वाहतूक सुरळीत ठेवण्यासाठी सर्व कर्मचाऱ्यांनी शथीर्चे प्रयत्न केले.
चालकाचे ३२ हजार लांबविले
या अपघातानंतर राजू शेख याच्या खिशातील ३२ हजार ५०० रुपये लांबविण्यात आल्याचा प्रकार उघड झाला. राजू हा बाळापूर, जि.अकोला येथे रासायनिक खते घेऊन गेला होता. त्याचे भाडे मिळाले होते. त्यानंतर परत येताना नशिराबाद येथून सिमेंट आणण्याचे काम मिळाले होते. या अपघातानंतर चालकाने ट्रान्सपोर्टच्या एका सहकाºयाला खिशातून पैसे काढायला सांगितले असता त्यात ४ हजार ६०० रुपये होते.
असा झाला अपघात
राजू हा बांभोरी पुलानजीक पुढे चालणाºया वाहनाला ओव्हरटेक करीत होता. दोन वेळा त्याने ट्रक पुढे नेण्याचा प्रयत्न केला. एका वेळेला ओव्हरटेक करुन पुढे जात असतानाच बांभोरी गावाजवळ समोरुन भरधाव वेगाने ट्रक आला. हा ट्रक थांबणार नाही, अंगावर येऊ शकतो याचा अंदाज आल्याने राजू याने जागेवरच ब्रेक दाबून ट्रक थांबविला, त्यामुळे समोरुन येणारा ट्रक साईडने निघून गेला. हा ट्रक गेल्यानंतर राजू याने त्याचा ट्रक पुढे नेला आणि लगेच काही कळण्याच्या आतच समोरच्या ट्रकच्या मागील बाजूस ट्रकची धडक बसली. त्यामुळे दोन्ही ट्रक रस्त्यावर आल्या. याचवेळी राजू याचा ट्रक आणखी एका ट्रकवर आदळला.
पोलिसांची रात्रभर कसरत
या अपघातामुळे पाळधी, महामार्ग व तालुका पोलिसांची रात्रभर कसरत सुरु होती. गिरणा पुलाजवळच अपघात झाल्याने इतरत्र वाहने नेणे शक्य नव्हते. त्यामुळे लहान वाहनांना वाट मोकळी करुन देणे व अवजड वाहनांचा मार्ग बदल करण्यासाठी प्रचंड कसरत करावी लागली.