जागतिक रंगभूमी दिनाच्या पुर्वसंध्येला

जळगाव: संजीवनी फाऊंडेशन संचलित परिवर्तन तर्फे ‘जागतिक रंगभूमी दिना’च्या निमित्ताने पूर्वसंध्येला ‘जागतिक स्तरावर मराठी रंगभूमी’ याविषयावर उद्या २६ मार्च शुक्रवार रोजी सायंकाळी ६ वा ऑनलाईन चर्चासत्राचे आयोजन करण्यात आले आहे. या चर्चासत्रात जागतिक रंगभूमीचे अभ्यासक व कादंबरीकार डॉ अविनाश कोल्हे (मुंबई), नाटक या विषयाला वाहिलेलं रंगवाचा हे मासिक गेल्या अनेक वर्षापासून कणकवली येथून प्रकाशित करणारे संपादक वामन पंडीत, शिवाजी अंडरग्राउंड इन भिमनगर मोहल्ला या नाटकाचे लेखक व अभिनेते राजकुमार तांगडे, नागपूर येथील नाट्यकलावंत रुपेश पवार, भुसावळचे रंगकर्मी अनिल कोष्टी हे वक्ते सहभागी होतील. या चर्चासत्रात रंगकर्मी नारायण बाविस्कर व मंजूषा भिडे या भूमिका मांडणार आहेत. या चर्चासत्राला उपस्थिती द्यावी असे आवाहन परिवर्तनचे अध्यक्ष शंभू पाटील यांनी केले आहे.