मुक्ताईनगर येथे राष्ट्रीय स्वयंसेवक संघाच्या पथसंचलनास माजी मंत्री खडसे यांंची हजेरी

मुक्ताईनगर शहरात राष्ट्रीय स्वयंसेवक संघ शाखेचा दसरा उत्सव पथसंचलन कार्यक्रम रविवारी सकाळी दहा वाजता पार पडला. या कार्यक्रमास माजी मंत्री एकनाथराव खडसे यांनी हजेरी लावली होती. खडसे यांची संघाच्या शाखेत हजेरी अनेक अंगाने लक्षवेधी ठरली आहे.

ठळक मुद्देपक्षांतर्गत अन्यायाचा सामना करताना उद्विग्न होणारे एकनाथराव खडसे आज पक्षाच्या मातृसंस्थेच्या कार्यक्रमात हजर होते.एकनाथराव खडसे यांनी स्वयंसेवकांसोबतच रांगेत उभे राहून कार्यक्रमात सहभाग नोंदविला.संघाच्या शाखेत खडसे यांची हजेरी अनेकांगांनी लक्षवेधी ठरली.

मुक्ताईनगर, जि.जळगाव : शहरात राष्ट्रीय स्वयंसेवक संघ शाखेचा दसरा उत्सव पथसंचलन कार्यक्रम रविवारी सकाळी दहा वाजता पार पडला. या कार्यक्रमास माजी मंत्री एकनाथराव खडसे यांनी हजेरी लावली होती. खडसे यांची संघाच्या शाखेत हजेरी अनेक अंगाने लक्षवेधी ठरली आहे.
विजयादशमी व राष्ट्रीय स्वयंसेवक संघाच्या स्थापना दिवसानिमित्ताने तालुका स्वयंसेवक संघ शाखेचा दसरा उत्सव पथसंचलन, मार्गदर्शन कार्यक्रम रविवारी सकाळी येथील नगरपंचायत पटांगणात पार पडला.
सकाळी नऊच्या सुमारास स्वयंसेवकांनी शहरातून पथसंचलन केले. प्रवर्तन चौक, बस स्टँड, धनगरवाडा, तहसील कार्यालय अशा प्रमुख मार्गावर पथसंचलन झाले. पथसंचलन समारोप नगरपंचायत प्रांगणात डॉ.कपील पवार यांच्या मार्गदर्शनाखाली झाला.
या वेळी प्रमुख अतिथी म्हणून ज्येष्ठ नागरिक व सेवानिवृत्त कर्मचारी संघाचे सचिव राजेंद्र सिंग राजपूत उपस्थित होते. या कार्यक्रमात माजी मंत्री एकनाथराव खडसे यांनी स्वयंसेवकांसोबतच रांगेत उभे राहून कार्यक्रमात सहभाग नोंदविला. त्यांच्यासोबत बाजार समितीचे सभापती निवृत्ती पाटील व अन्य पदाधिकारी उपस्थित होते. तब्बल चार वर्षांपासून राज्यात सत्ता असताना सत्तेपासून दूर आहे. पक्षांतर्गत अन्यायाचा सामना करताना अनेक वेळा उद्विग्न होणारे खडसे आज पक्षाच्या मातृसंस्थेच्या कार्यक्रमात हजर होते. हे अनेकांगांनी लक्षवेधी मानले जात आहे.