शाळेत जाण्यासाठी रस्ता नसल्याने विद्यार्थ्यांचा शाळेवर बहिष्कार

ग्रामस्थांनी केले रस्ता रोको आंदोलन

भुसावळ, जि. जळगाव : भुसावळ तालुक्यातील साकरी येथील विद्यार्थ्यांनी शाळेत जाण्यासाठी रस्ता नसल्यामुळे शाळेवर बहिष्कार टाकला आहे. शुक्रवार, २ रोजी शाळेत जाताना रस्त्यातील चिखलामुळे काही विद्यार्थी पडले. त्यात एका चिमुकलीचा हात फ्रॅक्चर झाला असल्याचे वृत्त आहे. त्यामुळे या रस्त्यासाठी ३ रोजी सकाळी ग्रामस्थांनी रस्ता रोको आंदोलन केले. डबर व मुरूम वाहतुकीच्या डंपर मुळे हा रस्ता खराब झाला असल्याचा आरोप ग्रामस्थांनी केला आहे.