बाप रे ! जळगाव जिल्ह्यात नवीन ११६ कोरोना बाधित रूग्ण आढळले

जळगाव : राज्यासह जिल्ह्यात कोरोना विषाणूने थैमान घातले आहे़ दिवसेंदिवस जिल्ह्यात कोरोना बांधितांची संख्या ही वाढत चालली आहे़ मंगळवारी एका दिवसात तब्बल ११६ जणांचे अहवाल पॉझिटिव्ह आले आहेत़
पॉझिटिव्ह आढळलेल्या व्यक्तींमध्ये जळगाव शहरातील २४, भुसावळ ०५, अमळनेर ०३, चोपडा २१, भडगाव ०१, पाचोरा ०१, धरणगाव ०८, यावल ०७, एरंडोल १० तसेच जामनेर ०९, जळगाव ग्रामीण ०३, रावेर ०१, पारोळा १४, मुक्ताईनगर ०३, बोदवड ०६ रुग्णाचा समावेश आहे. जिल्ह्यात आतापर्यंत कोरोना बाधित रूग्णांची संख्या १२८१ इतकी झाली आहे, अशी माहिती जिल्हा प्रशासनाच्यावतीने देण्यात आली आहे.