नेरी येथे अपघातात पिता व पुत्र ठार

नेरी, ता. जामनेर - येथील गुरांच्या बाजारात येत असताना पिता व पुत्र अपघातात जागीच ठार झाले. रशीद कालू कुरेशी ...

ठळक मुद्देट्रकखाली गेले चिरडले, दोघे वाघारीचेगुरांच्या बाजारात गुरे खरेदी व विक्रीचा व्यवसाय

नेरी, ता. जामनेर- येथील गुरांच्या बाजारात येत असताना पिता व पुत्र अपघातात जागीच ठार झाले. रशीद कालू कुरेशी (६७), आबिद रशीद कुरेशी (२५) रा. वाघारी, ता. जामनेर असे या मयतांचे नाव असून हे दोघे येथील गुरांच्या बाजारात गुरे खरेदी व विक्रीचा व्यवसाय करत होते. मंगळवारी या बाजारात आल्यानंतर बाजार समितीच्या बाहेर आपली दुचाकी लावण्यासाठी मोकळ्या जागेच्या शोधात असताना अचानक दुचाकी घसरली आणि शेजारून आलेल्या माल वाहतूक ट्रकच्या दोन्ही चाकांखाली दोघे व पिता पुत्र सापडले यात त्यांचा जागीच दुर्दैवी मृत्यू झाला. ही घटना सकाळी आठ वाजेच्या सुमारास घडली. दोघे कुरेशी पिता व पुत्र हे आपल्या दुचाकीवर आले होते. तेव्हा शेजारून जळगावकडे जाणाऱ्या (जीजे १५-युयु १७२६) या माल ट्रकच्या चाकाखाली सापडले. हा अपघात इतका भयानक होता की, एकाचे डोके फुटून आतील मेंदू, आतड्या बाहेर आल्या होत्या. मंगळवारी बाजार असल्याने पहाटे पासूनच या ठिकाणी मोठ्या प्रमाणात गर्दी असते घटना घडल्या नंतर जवळपास तासभर दोन्ही बाजूंकडची वाहतूक ठप्प झाली होती नागरिकांच्या मदतीने वाहतूक कोंडी सोडवण्यात आली.