शिवाजी नगरात लहान मुलांमध्ये हाणामारी

लोकमत न्यूज नेटवर्क

जळगाव : सामाजिक कार्यकर्ता दीपककुमार गुप्ता यांचा १३ वर्षीय मुलगा वेद याला राहुल जगन्नाथ कोळी याने किरकोळ कारणावरून मारहाण केल्याची घटना शिवाजी नगरात घडली. याप्रकरणी मंगळवारी शहर पोलीस ठाण्यात गुन्हा दाखल करण्यात आला आहे.

वेद गुप्ता गल्लीत उभा असतांना शिवाजी नगरातील राहुल जगन्नाथ कोळी याने काहीही कारण नसताना शर्टाची कॉलर पकडून चापटाबुक्क्यांनी मारहाण केली. ही घटना शिवाजी नगरात गुप्ता यांच्या राहत्या घरासमोर १८ मे रोजी सायंकाळी साडेसात वाजता घडली. यात नाकावर बुक्की मारल्याने नाकाचे हाड फ्रॅक्चर झाले आहे. दीपक गुप्ता यांच्या फिर्यादीवरून शहर पोलीस ठाण्यात राहुल कोळी यांच्याविरुद्ध शहर पोलीस ठाण्यात गुन्हा दाखल करण्यात आला आहे. तपास ओमप्रकाश सोनी करीत आहे.