विद्युत खांबाला अर्थिग न मिळाल्याने आग

पहूरमध्ये जिवित हाणी टळली : ज्वालामुखीच्या अफवेने नागरिक भयभीत

 पहूर,दि.21- पहूर येथील 132 उपकेंद्रच्या बाहेर महावितरण कंपनीच्या परिसरात असलेल्या 11 के.व्ही.गोंदेगाव फीडर वाहिनीवरील विद्युत खांबाला आर्थिग न मिळाल्याने रविवारी दुपारी 12.30 वाजेच्या सुमारास जमिनीत आगसदृष्यस्थिती निर्माण झाली. त्यानंतर ज्वालामुखीच्या अफवेने नागरिक भयभीत झाले.

पाचोरा पहूर मार्गावरील गोंदेगाव फिडरवरील विद्युत खांबाला आर्थिग न मिळाल्याने प्रचंड उष्णता निर्माण झाली होती. जमिनीतून आगसदृष्य स्थिती असल्याने नागरिकांनी या ठिकाणी धाव घेतली. काही नागरिकांनी ज्वालामुखी बाहेर पडत असल्याची वार्ता पसरविली. घटनेची माहिती मिळाल्यानंतर महावितरण कंपनीचे अधिकारी व कर्मचारी घटनास्थळी दाखल झाले. त्यांनी आवश्यक उपाययोजना करीत परिस्थिती नियंत्रणात आणली. (वार्ताहर)