तीनवेळा लग्न केलं, तिसऱ्यांदा संसार मोडला; माहेरी आली अन् खुर्चीवर बसलेल्या वडीलांची हत्या केली

जळगावमधील मलकापूरमध्ये धक्कादायक घटना घडल्याची माहिती समोर आली आहे.

जळगाव: जळगावमधील मलकापूरमध्ये धक्कादायक घटना घडल्याची माहिती समोर आली आहे. सख्खी मुलगी व पुतण्याने संगनमताने छातीत सुरा खुपसून ५२ वर्षीय इसमाची हत्या केली. येथील सुभाषचंद्र बोस नगरात बुधवारी रात्री ९ वाजेच्या सुमारास ही घटना घडली. पोलिसांनी दोघांना अटक करून त्यांच्याविरुध्द खुनाचा गुन्हा दाखल केला आहे. मुक्ताईनगर बसथांब्यापाठीमागे सुभाषचंद्र बोस नगरात गुलाब यादवराव रावणचवरे वास्तव्यास होते. त्याचा मटका विक्रीचा व्यवसाय होता.

संबंधित घटना ही मलकापूर शहरातील सुभाषचंद्र बोस नगर परिसरात घडली आहे. मृतक ५२ वर्षीय गुलाब रावणचवरे यांनी आपल्या लक्ष्मी नावाच्या मुलीचं तीनवेळा लग्न करुन दिलं. पण मुलगी तरीही संसार करत नसल्याने गुलाब नेहमी तिच्यावर रागवत होते. लक्ष्मी तिसऱ्यांदा जेव्हा संसार मोडून घरी आली तेव्हा तिच्या पित्याने तिला घरात घेण्यास नकार दिला.

मुलगी लक्ष्मी आणि वडीलांमध्ये मोठा वाद झाला. यादरम्यान बुधवारी रात्री गुलाब रावणचवरे हा दारुच्या नशेत घरात खुर्चीवर बसलेला होता. त्यावेळी त्याची मुलगी लक्ष्मी हरिश्चंद्र सनिसे (१९), पुतण्या प्रकाश साहेबराव रावणचवरे (२८) रा.बहापूरा या दोघांनी संगनमताने गुलाबच्या छातीवर धारदार सुऱ्याने सपासप वार केले.

गावातील मुलीच्या प्रेमप्रकरणातून १८ वर्षीय शाळकरी मुलाचा खून; कोल्हापूरात खळबळ  https://t.co/ODOxL4gW5p">https://t.co/ODOxL4gW5p

— Lokmat (@MiLOKMAT) https://twitter.com/MiLOKMAT/status/1435852873288478722?ref_src=twsrc%5…">September 9, 2021

जबर रक्तस्राव झाल्याने गंभीररीत्या जखमी झाला. घटनेच्या काही वेळानंतर गुलाब रावणचवरे याचा मृत्यू झाला. या घटनेची माहिती कळताच डीवायएसपी अमोल कोळी, पोलीस निरीक्षक प्रल्हाद काटकर यांच्यासह पोलिस पथक घटनास्थळी दाखल झाले. घटनेचा प्राथमिक तपास सपोनि विश्वजित ठाकूर, पो.काँ.प्रमोद राठोड, पो.काँ.कैलास पवार यांनी करुन आरोपी लक्ष्मी सनिसे व प्रकाश रावणचवरे या दोघांना अटक केली. त्यांच्याविरुद्ध शहर पोलीसात गुन्हा दाखल केला आहे. तपास सपोनि रतनसिंह बोराडे करीत आहेत.