भाजपच्या कार्यशाळेत कोरोनाबाबत मार्गदर्शन

जळगाव : राष्ट्रीय स्वास्थ्य स्वयंसेवक अभियानाची जळगाव जिल्हा कार्यशाळा ब्राह्मण सभागृह येथे झाली. या कार्यशाळेचे उद्घाटन आमदार सुरेश भोळे यांच्या हस्ते झाले. या कार्यशाळेत कोरोना प्रतिबंध व उपचार, लसीकरण, लक्षणे व आजार, कोरोनाची तिसरी लाट आदी विषयांवर डॉ. नरेंद्र ठाकूर, डॉ. कुंदन फेगडे, डॉ. दर्शन शहा, डॉ. धर्मेंद्र पाटील, डॉ. नि. तू. पाटील, डॉ. लीना पाटील यांनी मार्गदर्शन केले.

यावेळी जिल्हाध्यक्ष सुरेश भोळे, महानगर जिल्हाध्यक्ष दीपक सूर्यवंशी, प्रदेश उपाध्यक्ष स्मिता वाघ, नगरसेविका उज्ज्वला बेंडाळे, वैद्यकीय आघाडीचे उत्तर महाराष्ट्र सहसंयोजक डॉ. नि. तू. पाटील, माजी जि.प. अध्यक्ष प्रयाग कोळी, वैद्यकीय आघाडीचे ग्रामीण संयोजक डॉ. नरेंद्र ठाकूर, वैद्यकीय आघाडीचे महानगर संयोजक डॉ. धर्मेंद्र पाटील, जिल्हा सरचिटणीस सचिन पानपाटील, महानगर सरचिटणीस विशाल त्रिपाठी, डॉ. राधेश्याम चौधरी, नितीन इंगळे, महेश जोशी आदी मान्यवर उपस्थित होते. सूत्रसंचालन अमित सोळुंके यांनी तर आभार गणेश माळी यांनी मानले.