विवेक महाजन यांचा सन्मान

शिवाजीनगरमध्ये सांडण्याचा प्रश्न मार्गी

जळगाव : शिवाजीनगरातील कसई वाड्याजवळ गटारीतील सांडपाण्याचा व्यवस्थित निचरा होत नसल्यामुळे रस्त्यावर पाणी तुंबत होते. यामुळे नगरसेवक नवनाथ दारकुंडे यांनी रविवारी स्व:खर्चाने या ठिकाणी पाईप टाकला. त्यामुळे रस्त्यावरील सांडपाण्याच्या प्रश्न मार्गी लागला आहे.

कुशीनगर एक्सप्रेसला डबे वाढविण्याची मागणी

जळगाव : जळगावहून सायंकाळी मुंबईकडे जाणाऱ्या कुशीनगर एक्सप्रेसला प्रवाशांची मोठ्या प्रमाणावर गर्दी राहत असल्यामुळे, जनरल डब्यांची संख्या अपूर्ण पडत आहे. यामुळे विशेषत: महिला प्रवाशांना उभे राहुन प्रवास करावा लागत आहे. तरी रेल्वे प्रशासनाने या गाडीला जादा डबे जोडण्याची मागणी प्र‌वाशांमधुन होत आहे.

रस्त्यावरील पथदिवे लावण्याची मागणी

जळगाव : शहरातील शनिपेठेत अनेक ठिकाणी गल्ली-बोळींमध्ये पथदिवे बंद असल्यामुळे नागरिकांना गैरसोयीचा सामना करावा लागत आहे. तसेच अंधाराचा फायदा घेऊन लुटमारीच्या घटनादेखील घडण्याची शक्यता वर्तविण्यात येत आहे. तरी मनपा प्रशासनाने तात्काळ पथदिवे लावण्याची मागणी रहिवाशांमधुन होत आहे.